Rṳ̂̌me̤ 14-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Ma̤titèhî̌dě, Cǒmara ashiagǎkûnu, shǎǎshǎô mî̌ ta̤ dǒ a lûdû̌lǒ mè̤̌tô̤̌. Ta̤ dǒ a lṳ̂dû̌lǒ mî̌, ta̤tě̤ta̤mè̤̌, ta̤ô̌mô̤ô̌bǎ, kû̌ sǎlě̤sǎlò̤ dǒ Yôla Plò̌shǐ Běcǎ ǐ pa tokhlǒ nupwǎ. Kòyò dǒ a ô̌htûpwa̤ gû̌ pô̤̌nu tokhlǒ, dě a ma̤ Khrǐ a ta̤phǐta̤ma̤ tokhlǒnu, Cǒmara bǎbǎ kòyòhǎkhû̌phû̌ bǎbǎ asǎphlǒ ô̌ lû̌û hǒ.

Pa kè̌ htûpwa̤ hî̌dě, pa ô̌htûpwa̤ dǒ Běcǎ aya. Pa kè̌ si hî̌dě pa si dǒ Běcǎ aya. Pô̤̌nudě pa htûpwa̤ bǎbǎ, pa si bǎbǎ, pa mî̌ Běcǎ ata tokhlǒ.

Pô̤̌nudě, pa gǔ jî̌pwǐjî̌le ô̌mô̤ô̌kla kè̌khî lû̌û tôpwa̤ kû̌ tôpwa̤ htodě pa gǔ phî̌jè̌ wè̤jè̌, ǐkhû̌ǐǎ kè̌khî lû̌û tôpwa̤ kû̌ tôpwa̤ tǎ꤮.

Pô̤̌nudě, pè̤̌wǎ̤ pe tǎ̤ lû̌ta̤sǔ tôpwa̤ kû̌ tôpwa̤ tǎ̤mǎ̤ nî̌꤮. Ta̤ dǒ a gǔ htûhtò̌ ta̤lò̤khǔpo̤, ta̤sǔta̤plě dǒ pṳ̌wè̤̌ tôpwa̤pwa̤ aya hî̌nu, na bǎ bè̌lò̤ khô̌kè na sǎphlǒ dǒ na gǔ ma̤pe ta̤nutokhlǒ tôcǒ꤮ tô̤̌.

Ma̤titèhî̌dě, dǒ lî̤plò̌shǐkûnu, Běcǎ hî̌ kû̌, “Ma̤pô̤̌ he htûpwa̤ mè̤̌mî̌canu, he olò̤ sî kû̌, kòyòpṳ̂̌꤮ tôpwa̤ gǔ hè dô̌gînî̤ shǒtikhlǐlò̤bò dǒ he lô̤mô̤̌ pě dě a gǔ olò̤ lô̌khô pṳ̂̌꤮ tôpwa̤ kû̌ he mî̌ Cǒmara mè̤̌mî̌ca tôpwa̤ pě.” Pô̤̌nudě, pa ma̤hto kwè̌ titènu pa bǎ shôbǐhtò̌lṳ̌bò Cǒmara pṳ̂̌꤮ pwa̤ pě.

Kaǎmô̤shǔ Khrǐphû̌ dǒ ata̤yṳ̌ ô̌ pî̌tî̌pe nutokhlǒ nî̌꤮. Asî ata̤gènè̤ tokhlǒnu, a khô̌ kû̌ na bǎbǎ, htè̌shěshu tǎ̤ asî tǎ̤mǎ̤ nî̌꤮.

Na cû̌ pè̤̌wǎ̤ tǒ̤ kòyò pwa̤ma̤ta̤phû̌ ta̤sǔ dě na mî̌ kòyò hî̌tè tôpwa̤. A ma̤ htûhtò̌ ata̤ma̤ bǎbǎ, a ma̤ htûhtò̌ tô̤̌ bǎbǎ, aběcǎ ô̌tû̌ dě a gǔ hî̌ tûû̌ lû̌û pě, ma̤titèhî̌dě Běcǎ Cǒmaranu, a ma̤jè̌ bò̌jò asî akhû̌akhî, asî gǔ ma̤htò̌bò̌ pě.