Roma 12-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Njimbɨʼ nɨ zɔŋnɨ ngɨnɨ mɨnu mɨ ɨbɛn bɨ atuəshe wiŋ ə, lá nɨ nyɛʼtɨ á Ŋwi a bənkɨ mɨntəm ɨmən taŋ á nɨ kwebtɨ mbɔm ɨtsɨŋ ə. Adzaŋ məwen, nɨ mɨ tiʼ zhi anu za Ŋwi a lɔnə — anu za a bɔŋnɨ, nkɔʼ ntɛm ngə́ tsáŋ nkə́ ngɨə ɨnye Ŋwi bɔŋənə ghe.

Ma lan, ma tiʼə mbǔʼ mbó a mbó bən nə ɨbɔmbɨma ɨban, mbɨ́ʼ a mɨlɨŋnɨ wu ngwi wa Ŋwi a tsinɨ nɨ wɛrə a nye bɨgɨnə, ngə́ nɨ gha ɨtumbəm ɨtsən a mbó Ŋwi tso mɨtsuʼnɨ mɨ atú ma mɨ tsinɨ ntən, ɨ fɛm nkə́ ngɨə ɨnye Ŋwi bɔŋənə ghe. Nə nɨ ngótɨ́ aghuʼsɨ za nɨ tsinɨ nɨ nga a mbó Ŋwi ə.

A ntsiŋə ɨzən nɨ ntəm ɨwɨŋ ɨtsum gha nɨdorɨ a mbó bɨŋ ə, á nɨ tsi nɨ nchigə a mu ngɨ́ʼ, nkə́ ntsáʼtə́ a Ŋwi tsɛʼ nkfu tsum ə.

A nɨ keʼ nyɛʼtɨ á ɨnu tsɨ tɔmnɨnɨ zhíʼ awɨŋ ə, lá nɨ baŋnɨ njiʼ ɨnu tsɨ tɔmnɨnɨ nɨ ɨbɔŋ wa nɨ ghɨnə ghe.

nkɔŋnɨ awən bən nɨ bən nɨ táʼ ntəm; á nɨ nkɔ́ʼsɨ́ ɨbɛn bə mɔʼɔ atɨ́ ntsa ɨtumbəm ɨtsɨŋ ə.

A akɔŋnɨ a lo a mu ntəm ə. A nɨ bə̂ ngɨ ɨnu tsɨ tɔmnɨnɨ, ngɔŋ bɨŋ mbɔm zɨ shiʼnɨ ə

A nɨ ngɨə atsum a ndzé ngə́ nɨ chyɛ̌ tsɛʼ nɨ mbɔnɨ bɨŋ bɨ ɨbɛn bɨtsum ə.

Ɨbɔmbɨma ɨban, á nɨ keʼ ɨbvu ghɨ a nye ŋwɔn wa a kɨnɨ nkɨ ngɨ ɨbvu a nye bɨŋ ə, lá á nɨ nyɛʼtɨ a mɨlwi Ŋwi a byigɨ ɨbvu məwa. Mbɨ́ʼ ngə́ Maʼmbyí a soŋ a mu aŋwaʼnɨ a Ŋwi ngə́, “Nchwɨgɨ ɨbvu atú ɨbvu a nɨ anu azə, ma mɨ tfútɨ́ mbɔʼ ə.”

A nɨ fáʼə nɨ adaʼ nkeʼ nárə́ ghe. Faʼnə a mbó Maʼmbyí nɨ mɨntəm ɨmən mɨtsum ə.

Mbɨ́ʼ ngə́, a ntsǎ a ndzum abɔŋəntəm a Ŋwi za a ghanɨ a mbó me, ma sóŋə́ a mbó ŋwɔn nɨ bɨŋ tsum ngə́ á ŋwɔn tse a tɨtərɨ bən a keʼ nkwáʼtə́ ngə́ zɨə nɨ ŋwɔn wu ngwi ntsa adzaŋ za a benə. A mbáŋnə́ shíʼtə́ nɨ atuəmbəm azhi a tɨshe, ɨ fɨ́ʼə atuəmbəm azhi ndzɔ̌ŋ ndvuŋ abeməntəm wa Ŋwi a ghanɨ wəmbo ndzɔ̌ŋ adzaŋ za zɨmboŋ a zɛ́nə́ atuəmbəm azhi ɛ.

A nɨ keʼ ɨbvu atú ɨbvu chwɨgə, lá ngáʼə fómə́ nkwaʼtə tsɛʼ ngɨ ɨnu tsa ŋwɔn tsum a bémtɨ́nə́ ghe.

A ndóm wa nɨ tsínə́ bɨŋ bɨ ŋwɔn nɨ ŋwɔn be táʼ a mu azhwi, nkeʼ ngɨ̌ ɨnu tsa tsɨ mɨ ghɨ awən a nye ngaŋ ŋǔʼ ɨnye, ndzɨ́nə́ bɨŋ bɨ ɨbɛn ba a se ɨbɛn bə wi be; nkeʼ nkwáʼtə́ ngə́ nɨ tsi nɨ zóŋ ntsa ɨbɛn bə mɔʼɔ ghe.

Lá á bɨgɨnə báŋnə́ ngɨə be ɨ lanə, adzaŋ za aŋwaʼnɨ a Ŋwi a soŋnɨ ngə́, “Be nji tɨ zǎŋ a ngaŋ kɨban ɨzo, o gha mɨdzɨ wəmbo; be nji nkyi tɨ zǎŋ ayi, o gha nkyi a no; mbɨ́ʼ ngə́ be o tɨ ghɨə ma lan, o nɨ́ŋə́ lá adɨrətú wə ɨnye.”

A nɨ fɔ́gə́ ɨbɛn ba bɨ ghágɨ́nə́ awən; á nɨ fɔ́gə́ awa nkeʼ mbáŋnə́ ndɔʼ awa ɨ lɔʼnə. A nɨ ndórɨ́kə́ bɨŋ bɨ ɨbɛn ba bɨ dórɨ́kɨ́nə́, nkə́ ndzɛ́ʼə bɨŋ bɨ ɨbɛn ba bɨ tsinɨ a mu nɨzɛʼ ə.

A nɨ ngyɛ́btɨ́ ɨdzúm ɨtsən bɨŋ bɨ ɨbɔmbɨma ɨbən a ndzum Kristo ba bɨ boŋnɨ, nkə́ nkwárɨ́ bɨghən nɨ njwuʼ ɨtsɨŋ ə.

Mbɨ́ʼ ngə́ mbəmnye tsi nɨ ɨlam ɨnye tsɨ ghaʼə, alam a ɨnye atsum a kɨ ntsi nɨ atú afaʼ azhi ɛ. Ndəŋndəŋ, bɨgɨnə baʼtɨ ngháʼ ɨ ghaʼnɨ lá, mbe táʼ mbəmnye za ɨ tsinɨ a mbúm bɨgɨnə bɨ Kristo, bɨgɨnə bɨtsum chwuʼnɨ a nye ŋwɔn nɨ ŋwɔn tso mbáʼ ɨlam ɨnye táʼ mbəmnye chwuʼnɨnɨ awa lá.