फिलिप्पी 2-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

विरोध आने ठोगो बड़ाई कोअता कीज मा कोअहा पोन नम्र ओला अने दिहीराहा आपाआ पेक्षा उत्तम माना. तुमा मेरयो हर एक माहू आपाज पालहू कायना ताहा दिहरा हाजाकोता बी विचार कोईलो.

आपाआ स्वभाव एहलो मेका जीही ख्रिस्त येशुप रोत ओती

जो आपाआ स्वरूपाने साक्षात परमेश्वर ओतू पोन तिये परमेश्वरा बरोबर आपाआ समानतेला केधी लाभ कोईत महांआ नाहा. पोन तिये खुदोहो शुन्य कोईत दासाआ रुपोमे ग्रहण कोयु अने मांहो होस रोला. ताहा तिये स्वतःहा नम्र कोईत रेवू आज्ञाकारी बोल्यू का तिये खुदोओ जीव सुद्धा क्रूस आप्यू.

काहाके तो परमेश्वरुज होय जो तिया कामा कोअता इच्छा अने ते काम पुरो कोईलाकाजे जे परमेश्वरोओ गोमतो ते तुमामे निर्माण कोईत ओते.

त्याकोता परमेश्वराने बी तियाहा उचो जागापो उभे कोयु अने तियाहा ते नाव आप्लु, जे आखे नावापो रोत श्रेष्ठ होय, याकोअता का आखे जोओ घुटने टेके तेहलाम नम्र उवे जेबी ते स्वर्गाआ होय का धरती होय किंवा धरती निसऱ्ये होय, अने हर एक जीभ परमेश्वरोओ बाह्हाआ गौरव कोअता ग्रहण कोईलो का येशु ख्रिस्त ओच प्रभू होय.

किबी तक्रार अने लोळाई न कोअता काम कोईत रो, याकोअता का तुमु निर्दोष अने पवित्र बोनाळीलो तेहलूज तुमु याआ कुटील अने विपरीत पीडी निर्दोष अने निष्कलंक ओत देवाआ पोऱ्ये उवे तियामेहे तिया जगत मेहे तुमु तियाअ टायमोमें ज्योति बोणीत चमकावीलो

याकोअता माआ प्रिय पाही, तुमु मापो आदेशाचे पालीत पहीले कोईत ओते जांहा आय तुमाआरी ओतू जर आय तुमाआरी नाहा तेहलाम तुमु जाखा लक्ष्य आपित तियाआ पालीत कोईलो परमेश्वरोओ प्रती पुरो आदर आप-आपाआ तारण पुरो उवे याकोअता काम कोईत रो