कुलुस्सी 2-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

याकोअता का जेहलो येशुहू ख्रिस्त अने प्रभूऊ रुपोमे ओ ग्रहण कोयु होय तुमु तीयाम तेहलूज बोणीत रो, तुमाआ जोड त्याज माय रोहीना आय तुमाआ विकास तियाहा होय तेहलूज तुमु आपाआ विश्वासामेहे दृढता मेलवीलो रो जेहलो तुमामे हिकाड्ये गोये होय परमेश्वरोओ प्रती जाहाकोज आभारी रो.

ध्यानाम मेका का तुमामे आपाआ तिया भौतिक विचार कोईलो अने खोल्यू परम्परा कोडु धोखा न जोळे जे मांहाहा रीती अने संसारो त्यापोरोत जोडयो ओतु जे ब्रम्हांडला अनुशासित कोनारी आत्माआ आपही होय न ख्रिस्ताआ.

आपाआ पापांआ अने सुंता रोत्लू डीलोवाही तुमु मोल्या ओते पोन तुमामे परमेश्वराने ख्रीस्ता बरोबर जीवोन प्रदान कोयु तेहलूज आमा आखे अपराध रोत मुक्त रुपोमे क्षमा कोयु होय, परमेश्वराने तिया अभिलेखोहो आमामेरोत टाकत ग्येल्यू ज्याम तिया विधिही उलेख कोअयु गोल्यो होतुजे आमाहा प्रतिकूल अने आमाहा विरूध ओते तिये तियाहा खोलोवाही क्रूसपो सोडवीत देदलो.

काहाके परमेश्वर आपाआ आखो परिपूर्णता सदैव तियाहा निवासाहा कोईत रोतो, अने तियाहा स्थिर ओत तुमु पुरोओत बोन्यो होय तो हर एक अधिपती अने अधिकारो शिरोमणी होय.

त्याकोता खाअलो पीअलो वस्तु किंवा पूर्वी नवो चांद के पर्व किंवा शब्बाथ दिह्याहा लेत कोडु तुमामे आवोह न कोईओलो. ओ ताहा ज्या गोठी उवे होय तियाआ सावलू पो होय पोन आव सावलु वास्तविक का या ताहा ख्रिस्ताआ च होय.