Wikhikən 19-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Sesohs nit tehc kis mesənək pinikəl itəm: Kisehtaso əlahko, ekolamo.

Nit akimte Sesohs ipəcəl okəcicihton msiw kekwsal təkec nkikahkisehtasin, welaman Kelowəsitwe Wikhikən tan itəmowik kisehtasop, itəm: Nkətowosəm.

Sesohs nit tehc nemihat wikowasəl naka nit notəkehkimocil tanil mosalacil sehke kwihiw 'tiyal wikowasəl: Ehpit, sakihok kwəss. Toci 'tiyal notəkehkimocil: Sakihok kikowos. Wecehtakemək, nit təpaskotikən nət notəkehkimot otəliphal wikək Sesohs wikowasəl.

Kenok peciyahtit Sesohsəl nemihatil omecinalin təkec, kətama otemehtoowniyal okatəl. Kenok peskw nit səmakənəssək osaphal epmelwalit təkətikənək, nəkəsayw pəkahkən samakwan wecisakhicowək.

Epəcəl yohtəl kekwsal wecikisehtasikəl welaman tan Kelowəsitewe Wikhikən itəmowik leyo: Peskon oskənisəm skat təmehtasiw. Apih kətək tan ewikhasik Kelowəsitewa Wikhikən ikək, itəmowik: 'Təsakihawalc nekəm tanil saphatitpənil.

Pəmihkalal ocipiyatkoməl, əlihe nit tan eliwihtasik, Osəkatəp, tan Leswihsowatowemək liwihtaso, Kalkata

Səmakənəssək otələskən watəməniya citokepisot minosiye, ocitokepilaniya, moskwən imkwəpehtek wisekənəsot onasehtowaniya.