Malɨkɔ 14-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Gʉ ɛyɔ aka ɓɔ: « Aba, iya yakusigo ɓɔ Tidoo, akʉ ɔwɛ, moni kɔɔ ɓʉkaɨ kambʉkɔmʉ. Nungwisio ɓaka ʉpata wʉ ɓʉka‑ɓʉkaɨ ngua ungwisioo. Tɔ, yeeɓiokɔmʉ akʉ ɓʉkʉnda ɓʉsɛmɛ, ɨkyɛmɨngana yiɓio tʉkʉ akʉ ɓʉkʉnda ɓʉsɔɔ. »

Nɔɔkwaenikɔmʉ tɔɔ, faniseni ta Asʉɓɨɨ ambʉ nɔɔkumuniokɔmʉ amati ʉ kanyo. 'Ʉtʉma wa ɨwɔ tʉkʉ nʉ angu, ɨkyɛmɨngana ndʉtʉ pɛpɛ ya tʉkʉ nʉ ɓayadʉɓa. »

Maninu kusigio tʉkʉ kingono ɓɔ, akʉ ɨtaka kʉ iɓomu, akʉ ɓa꞊ɓʉkyɨa sina‑ɛɛ kʉɓɨakɨa Ɨsaʉ yɛɛ Iɗo, ɓaɓʉkyɨa tʉkʉ kʉchwa uduɓa wʉ moni ngika moi ngia ʉkyɨa akɛ nayɔ kutunguo. »

Gʉ ɛyɔ naɓɔ ɓɔ: « 'Ʉtʉma nguʉsɛmɛ wakʉdya ikoko ikanzi ngia ɓɔ mawu tʉkʉ woni. Tukueni tʉkʉ aka, nɔɔkwaenikɔmʉ tɔɔ. »

Ati ngia ɓi꞉nye tiga‑ɔɔ kʉdyakaka, Yeso ambʉchɨka mukati, ambutuisio Asʉɓɨɨ ɨbɨba, ambuuɓunzoko, kija a꞉ɨpakɨa ɓakpataka. Ambuɓusigio ɓɔ: « Chɨkeni, ndʉtʉ ngiisɛmɛ iyakɛ! »

Mbise ɔngɔ, ambʉchɨka tiga ʉpata, ambutuisio ɓata Asʉɓɨɨ ɨbɨba, ambuɓunzo, ɓambʉmwa ɛɓɔ kʉ ɓuɓomu. Kija Yeso a꞉ɓusigio ɓɔ: « Miniki ngikʉsɛmɛ ikakɛ, ɨkɔ ka agɔmɔ [ngia wʉ ɨtakɨ‑takɨ], ika ka꞊chichio aka ekoo ʉ ɓombi ɓaja.

Iya ɓi꞉nye kʉsa, Yeso ambʉɓʉɓɨa ɓɔ: « Inu kʉ ɓuɓomu na ɓisi kʉnanzana, nambʉnasɨa ɛmɛ. Jʉ ɓa꞉tɨndakɨa, ɓɔ: ‹ Ma꞊wa mʉpɨmakɨa wʉ ɓakɔndɔlɔ. Kija imbi yɨ ɓakɔndɔlɔ ya꞊nanzana. ›

Ʉngweni ɨkʉʉ, kuseni! Kangeni‑zʉ mombi ngia ʉ꞉nagaba, iiya a tiga kʉ tinene akɛ! »

Yeso ambumutisio ɓɔ: « Manɔwɛ kusigio tʉkʉ kingono ɓɔ, nuɓutu ngia wʉ ɓʉɓʉnɨ, pɛɛ ngia gue ʉ kɔɓɔ a꞊natɨa‑ɔɔ nɨsɨ kapɨnɨ, waɓio wʉpanatateni nɨsɨ kaatʉ. »