UPUTUKILO 37-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

José yalota chilota, yachilweza kuli ayayo, kashika o yaweza nawa ku kole yo.

Alioze Yakomba wazangile José kuhiana ana jenyi eswe mumu iye mwana wa ukulwana wenyi, kashika wamutongeselele chikulo cha ulombo weka ni weka wunji.

Muze ayayo hamona chize tato kanamuzange kuhiana ayayo eswe, amuvwilile kole. Kahashile kuhanjika nenyi ni sambukila.

Iye yalota nawa chilota chikwo, yachilweza kuli ayayo ngwenyi, Kumanyi, hinalota nawa chilota chikwo. Ni tangwa, ni kakweji, ni kumi lia matongonoshi ni lutongonoshi umuwika yahetamina hashi kuli yami.

Ayayo amuvwilile ukwa, alioze tato wafungile maliji ano mu mbunge yenyi.

Yamba kuli ayo ngwenyi, Ivwenu kama chilota chino nalotanga. Namwene ngwe tunajichika yichita mu munda. Kumanyi, chichita chami chakatukile yichimana kachichi mba yichita ya yenu yiyikunguluka nikuhetamina hashi ku chichita chami.

Kashika tuyenu, tumushihe, tumumbile mu wina. Mba mutwamba ngwetu, Ngongo hanamuli, mba mutumona chize muchipwa cha yilota yenyi.

Kwapalikile amwe akwa yitanda A-Mindiane, yasosa José nikumuchiza mu wina, yamulanjisa kuli A-Ishemali ha ndando ya makumi aali a mbongo ja prata. O yatwala José ku Engitu.

Yaliamba umwe kuli mukwo ni mukwo ngwo, Kumanyi, mukwa yilota kaneza.

O yamumona kusuku, mba shimbu kanda achiheta kuli ayo yamutwama punga akamushihe.

Rupene ngwenyi, Kanda numwanga manyinga. Tumumbilenu mu wina uno mu puya alioze kanda tumushiha. Yamba chocho hanga akamulamwine ku moko jo akamuhetese kuli tato.