Waneya Hoyakalu wla tshinru rupnawleya:
— Hehe nimatlu pixa halikaka xye pkamha hike mixkatuyi. Seyni hit-honra himaletatkayi hektutu pma kamhiywakanupa hit-yehiya. Wale tshinanu nimaletatkayi pma yotnejyawakaplo.
Hiyáhoni psatkakanro thanuru nwaka klu tshinanu thanuru honukla Hoyakalu tokanu hinkakletatshrini. Ranjihohneyehitanyi piwejyawakapa. Seyni pma satkakkanuklunuplo pimatanu pupnanuna pixa hiyrun-koxa ptowruneka pimwalene hipnanuna.