1 Peter 4-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Aboon aʼ things, hae ye love ane for anither; for that “love haps ower a rowth oʼ sins.”

Ilk ane, eʼen as he has had gien to him a free gift, sharin it wiʼ ithers, as leal stewards oʼ Godʼs mony‐fauld favors:

Gif ony ane speaks, as Godʼs oracles speakin; gif ony ane serʼs, as oot oʼ strenth gien by God; that, in aʼ things, God may be made glorious, throwe Jesus Christ, to wham is the glorie and the pooer, for evir and aye. Amen.

But, gin it be as “a Christian,” lat him feel nae shame; but lat him gie God praise for this name.

But the end oʼ aʼ comes on: be ye than oʼ sounʼ mind, and doucely pray ye.

Beloved, be ye na taen by surprise anent the lowin fire amang ye, whilk is comin on ye for to try ye, as gin some ferlie happenʼt to ye; But in sae far as ye marrow wiʼ Christ in his sufferans, rejoice ye; that, at the unfauldin oʼ his glorie, ye may rejoice wiʼ muckle joy.

Schawin hospitality ane to anither, wiʼ nae sweirness.

And sae, lat they wha dree, conform to Godʼs wull, commit their sauls, in aʼ weel‐doin, till a true and faithfuʼ Creator!

Forasmuckle than as Christ has sufferʼt iʼ the flesh, airm ye yersels wiʼ the same ettlin: for he that has tholed iʼ the flesh has gotten rest frae sin! Sae that nae langʼer soud ye leeve iʼ the ill‐desires oʼ men the lave oʼ yere time iʼ the flesh.

Gin ye be miscaʼd for Christʼs name, happy are ye! for the Spirit oʼ glorie, eʼen the Spirit oʼ God, brings ye rest!