Luke 12-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Нын пӑ ԓэщатыман уԓаты, ӑт ԓавԓәсԓәты пўԉаӈ Хŏйат Пŏх йŏхәтәԓ".

Метшопәӈ Турәм Хон Уԓәпса кӑншаты, пӑ иса щитән ищи мӑԓайты.

Щӑԓта пӑ ԓывиԓаԓа йастәс: "Ватман уԓаты, щӑр кўш щир эԓты шаващаты. Хŏты кепа хŏйат тащәӈ ат ус, ԓўв уԓәпсайәԓ ӑнта щиԓта уԓ".

Хŏта нын сорԋиԓән уԓԓәт, щита сӑмԓән уԓты питԓәт.

Пӑ хŏй нын эԓтан, ԓўвеԓ ԓэщатман, ԓўв пӑԓатәԓ кўш кепа и кўш оԓәӈ арата эԓәтты веритԓәԓы?

Щӑԓта Иисус утәԓтәты йохԓаԓа йастәс: "Щишән Ма нынана пŏтәртԓәм: уԓәпсайән эԓты аԓ нумәсаты, мўй нынан ԓэты, эԓԓәна мўй ԓумәтты.

Нын ŏхԓәнән ŏхсŏхԓән хŏԓна хŏԓ ԓўӈәтман уԓԓайәт. Аԓ пӑԓаты: нын ар ай щищкет эԓты тыныӈшәкәт, сӑмәӈашәк тӑйԓайты.

Аԓ пӑԓа, ай тащийэ! Турәм Ащан Хон Уԓәпса нынана мойԓәты йӑм кашәԓ ус.

Хулхәт пеԓа вантаты: мўва ԓат ӑт омәсԓәт, ԓат тŏрән ӑт ӑкәтԓәт, ԓыв ун ампарәт, ԓат сэм шавиты тӑхайәт, ӑт тӑйԓәт – Турәмән ԓыв ԓапәтԓайәт; Мўй арата нын щи тŏхԓәӈ войәт эԓты ԓӑтәӈшәкәт!

Щӑԓта, аԓ кӑншаты, нынан мўй ԓэты пӑ мўй йищты, аԓ пӑ нумәсаты.

Хӑр мўвән энәмты хŏрамәӈ лыптәт, тӑм хӑтәԓ уԓԓәт, хӑԓэвәт кура вŏщкиԓайәт, Турәмән щиты ки ԓумәтыԓайәт, пӑр мŏԓты Ԓўв нынан ӑт ԓумәттәԓԓы, шимәԓ эвәԓты ŏтәт!

Нэмәԓты сайԓәм вер ӑнтом, ищипа эԓпа этәԓ, пӑ хӑԋа вер ӑнтом, ищипа уйәтԓа.