မႃႇ​ၵူႉ 6-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

မၼ်း​ၸဝ်ႈ​ၵေႃႈ လၢတ်ႈ​လႄႈ​ဝႃႈ၊ သူ​မႃး​ၵႃႈ​တီႈ​ၼႂ်း​ထိူၼ်ႇ တီႈ​ဢၼ်​ပိူၼ်ႈ​ဢမ်ႇ​မီး​ၼၼ်ႉ​လႄႈ လိုဝ်ႈ​ၵမ်း​ဢွၼ်ႇ​ၼိုင်ႈ​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။ လွင်ႈ​မၼ်း​ၸမ်ႉ ၵူၼ်း​ၼမ်​ၼႃႇ ၵႂႃႇ​ၵႂႃႇ​မႃး​မႃး​ယူႇ​လႄႈ တမၢၼ်ႇ​ၸဝ်ႈ​တင်း​လၢႆ​ၸိူဝ်း​ၼၼ်ႉ ထၼ်ႈ​ပေႃး​ဢမ်ႇ​တၼ်း​ၵိၼ်​တၢင်း​ၵိၼ် တၢင်း​ၶူပ်း​လႆႈ။

ယေႇသူႉ ​ၵေႃႈ လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ပရေႃးၽႅတ်ႈ​ၸိုင်၊ လိူဝ်​သေ​ၵႃႈ​တီႈ​ဝဵင်း​တူဝ်​ၸဝ်ႈ​ၵဝ်ႇ၊ ၵႃႈ​တီႈ​ဢၼ်​ပီႈ​ၼွင်ႉ​တူဝ်​ၸဝ်ႈ​ၵဝ်ႇ​ယူႇ၊ ၵႃႈ​တီႈ​ႁိူၼ်း​တူဝ်​ၸဝ်ႈ​ၵဝ်ႇ​ၼၼ်ႉ၊ ဢမ်ႇ​ၵၢင်း​လွတ်ႈ​တင်း​သရေႇ၊ ဝႃႈ​ၼင်ႇ​ၼႆ​ဢေႃႈ။

မၼ်း​ၸဝ်ႈ​ဢွၵ်ႇ​ၵႂႃႇ​လႄႈ ထူပ်း​ႁၼ်​ၵူၼ်း​ဢၼ်​ၸူႉ​ဢၼ်​တုမ်​ၼမ်​ၼႃႇ​သေ​ယဝ်ႉ၊ မီး​ၸႂ်​ဢၼ်​ဢဵတ်း​လူ​ၶဝ် ၵွပ်ႈ​ပိူဝ်ႈ​ဢၼ် ၶဝ်​ပဵၼ်​ၼင်ႇ​သူဝ်း​တင်း​လၢႆ ဢၼ်​ဢမ်ႇ​မီး​ၵေႃႉ​ဢၼ်​လဵင်ႉ​ဢၼ်​လူ​ၼၼ်ႉ​လႄႈ သင်ႇ​သွၼ်​သုင်း​မႃႉ​ပၼ်​ၼမ်​ၼႃႇ တီႈ​ၶဝ်​ၼၼ်ႉ​ဢေႃႈ။

ၵႃႈ​တီႈ​ၼၼ်ႈ လိူဝ်​သေ​တၢင်း​ဢၼ်​ဢဝ်​မိုဝ်း​တၢင်ႇ​ၵႃႈ​ၼိူဝ်​ၵူၼ်း​ဢၼ်​ဢမ်ႇ​ယူႇ​လီ ၵမ်ႈ​ၽွင်ႈ​လႄႈ ႁႂ်ႈ​တၢင်း​ၶႆႈ​တၢင်း​ပဵၼ်​ၶဝ်​ႁၢႆ​ၼၼ်ႉ​ၵူၺ်း၊ မၼ်း​ၸဝ်ႈ​ဢမ်ႇ​ၼႄ​ပျႃး တၼ်း​ၶူဝ်း​ဢၼ်​လႂ်​လႆႈ။- ပိူဝ်ႈ​ဢၼ် ၶဝ်​ဢမ်ႇ​ယုမ်ႇ​မၢတ်ႈ​လႄႈ မၼ်း​ၸဝ်ႈ​မီး​ၸႂ် ဢၼ်​ဢၢမ်း​ၼႃႇ​လူင်​လၢင်​ဢေႃႈ။ မၼ်း​ၸဝ်ႈ​တေႇသႃႉၸႃႇရီႇ​လႄႇ​လဵပ်ႈ​ၵႃႈ​ၼႂ်း​ဝၢၼ်ႈ​ၼႂ်း​ဝဵင်း ဢၼ်​မီး​ၵႃႈ​တီႈ​ႁိမ်း​ႁွမ်း​ၸိူဝ်း​ၼၼ်ႉ​လႄႈ သင်ႇ​သွၼ်​သုင်း​မႃႉ​ပၼ်​ယူႇ​ဢေႃႈ။

မၼ်း​ၸဝ်ႈ​ဢဝ်​ၶဝ်ႈ​မုၼ်း​ႁႃႈ​ႁူၺ်ႇ​တင်း​ပႃ​သွင်​တူဝ် ႁႅၼ်​တူၺ်း​ၵႃႈ​ၼိူဝ်​ၵၢင်​ႁၢဝ်​လႄႈ ယွင်ႈ​ယေႃး​ၵျေး​ၸူး​ၸဝ်ႈ​ယဝ်ႉ​ၸင်ႇ၊ ဝိတ်း​ၶဝ်ႈ​မုၼ်း​လႄႈ ပၼ်​တီႈ​တပႄး​ၸဝ်ႈ​တင်း​လၢႆ ႁႂ်ႈ​သႂ်ႇ​တမ်း​ပၼ် ၵႃႈ​တီႈ​ၽၢႆႇ​ၼႃႈ ၵူၼ်း​ၸိူဝ်း​ၼၼ်ႉ​ဢေႃႈ။ ပႃ​သွင်​တူဝ်​ၵေႃႈ မၼ်း​ၸဝ်ႈ​မႅင်ႇ​ပၼ်​တီႈ​ၶဝ် တင်း​သဵင်ႈ​တင်း​လူင်​ၸိူဝ်း​ၼၼ်ႉ​ဢေႃႈ။- ၵူၼ်း​တင်း​သဵင်ႈ​တင်း​လူင်​ၸိူဝ်း​ၼၼ်ႉ ၵိၼ်​လႄႈ ဢိမ်ႇ​ယဝ်ႉ​ၸင်ႇ၊- ၵဵပ်း​သိမ်း​ဢဝ်​ၶဝ်ႈ​မုၼ်း တင်း​ပႃ​ဢၼ်​ႁၵ်း​ဢၼ်​ႁဵၵ်း​မၼ်း​လႄႈ လႆႈ​တဵမ်​သိပ်း​သွင်​ပဵတ်ႈ​ဢေႃႈ။