ႁူဝ်းသေႇ 13-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

ၼႂ်း​ဝႃႈ​ၼၼ်​သေ​ၵေႃႈ ၵဝ်​ထႃႇဝရႃႉ​ၽြႃး​ၼႆႉ ပဵၼ်​ၽြႃး​ပဵၼ်​ၸဝ်ႈ​မႂ်း ဢၼ်​ၼုၵ်ႈ​ဢဝ်​မႂ်း ဢွၵ်ႇ​သေ​ၵႃႈ​ၼႂ်း​မိူင်း​ ဢေႇၵိပ်ႉတူႉ မႃး​ၼၼ်ႉ​ဢေႃႈ။ ၼွၵ်ႈ​သေ​ၵဝ်​ၼႆႉ၊ မႂ်း​ဢမ်ႇ​ႁူႉ​ၽြႃး တၢင်ႇ​သူႇ​တၢင်ႇ​ပႃး​ယဝ်ႉ။ ၼွၵ်ႈ​သေ​ၵဝ်​ၼႆႉ ဢမ်ႇ​မီး​ၸဝ်ႈ​ဢၼ် ၵႄႇ​သႄႇ​ၶျွတ်ႈ​ဢဝ်​လႆႈ။

ၵဝ်​တၵ်း​ၵႄႇ​သႄႇ​ဢဝ်​ၶဝ်​လွတ်ႈ​သေ​ၵႃႈ​ၼႂ်း​တၼ်း​ၶူဝ်း​မိူင်း​မရၼႃႉ​လႄႈ ထုတ်ႇ​ဢဝ်​ၶဝ်​ဢွၵ်ႇ​သေ​ၵႃႈ​ၼႂ်း​မိုဝ်း​ၶုၼ်​တၢႆ​ဢေႃႈ။ ၶုၼ်​တၢႆ​ဢိူၺ်း၊ ၽေး​ရၢၼ်ႇ​မႂ်း​ၼၼ်ႉ မီး​ၵႃႈ​လႂ်။ မိူင်း​မရၼႃႉ​ဢိူၺ်း၊ တၢင်း​ဢၼ်​မႂ်း​ယႃႉ​ပႅတ်ႈ​ၼၼ်ႉ မီး​ၵႃႈ​လႂ်။ တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ​ၼၼ်ႉ တၵ်း​လပ်ႉ​ႁၢႆ​ၵႂႃႇ​သေ​ၵႃႈ​တီႈ​မၢၵ်ႇ​တႃ​ၵဝ်​ဢေႃႈ။

ၸွမ်း​ၵႃႈ​ၼင်ႇ​ဢၼ် ၵဝ်​လဵင်ႉ​ပၼ် တၢင်း​ၵိၼ်​တၢင်း​ၶူပ်း​ၼၼ်ႉ သေ​လႄႈ ၶဝ်​လႆႈ​ၵိၼ်​ဢိမ်ႇ​ၵိၼ်​တဵမ် ဢေႃႈ။ မိူဝ်ႈ​ဢၼ်​ၶဝ်​ဢိမ်ႇ​တဵမ်​ယဝ်ႉ ၼၼ်ႉ​ၸိုင် ၶဝ်​မီး​ၸႂ်​ဢၼ်​ဢုပ်ႇ​ဢၢတ်ႇ​လႄႈ လူင်​လိုမ်း​ၵဝ်​ဢေႃႈ။