ယေႇၸၵျေႇလႃႉ 38-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

ၼင်ႇ​ၼၼ်​လႄႈ ၵဝ်​တၵ်း ယွင်ႈ​ယေႃး​တူဝ်​ၸဝ်ႈ​ၵဝ်ႇ​လႄႈ ႁႂ်ႈ​တူဝ်​ၸဝ်ႈ​ၵဝ်ႇ​ႁွတ်ႈ​ထိုင် တၢင်း​ဢၼ်​မူတ်း​ၸၢင်ႇ သေ​လႄႈ ၼႄ​ပျႃး​မုၼ်​ၽုင်း တူဝ်​ၸဝ်ႈ​ၵဝ်ႇ ႁႂ်ႈ​ထၢင်ႇ​သႃး​သိုဝ်ႈ​ၼႃႈ​တႂ်ႈ​တႃ မဵဝ်း​ၵူၼ်း​ၼမ်​ၼႃႇ​လႄႈ ၶဝ်​တၵ်း​လႆႈ​ႁူႉ​လွင်ႈ​ဢၼ် ၵဝ်​ပဵၼ်​ထႃႇဝရႃႉ​ၽြႃး​ဢေႃႈ၊ ဝႃႈ​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။

လုၵ်ႈ​ၵူၼ်း​ဢိူၺ်း၊ မႂ်း​ဝၢႆႇ​ၼႃႈ​မႂ်း​တေႃႇ​ၶုၼ်​ ၵေႃးၵႃႉ မိူင်း​ မႃႇၵေႃးၵႃႉ ဢၼ်​ပဵၼ်​ၶုၼ်​မိူင်း​ ရေႃးသႃႉ ၊ မိူင်း​ မႄႇသႅၵ်ႉ ၊ မိူင်း​ တူႉပလႃႉ ​ၼၼ်ႉ လႄႈ ႁဵတ်း​ပရေႃးၽႅတ်ႈ​ယူႇ​ၽၢႆႇ​ၼိုင်ႈ​တင်း​မၼ်း​သေ​လႄႈ၊- ႁေႃး​လၢတ်ႈ​လႄႈ​ဝႃႈ၊ ၸဝ်ႈ​ထႃႇဝရႃႉ​ၽြႃး မီး​ဢမိင်ႉ​ၸမ်ႉ၊ ၶုၼ်​ ၵေႃးၵႃႉ ဢၼ်​ပဵၼ်​ၶုၼ်​မိူင်း​ ရေႃးသႃႉ ၊ မိူင်း​ မႄႇသႅၵ်ႉ ၊ မိူင်း​ တူႉပလႃႉ ​ၸိူဝ်း​ၼၼ်ႉ ၼႆႉ​ဢိူၺ်း၊ ၵဝ်​ယူႇ​ၽၢႆႇ​ၼိုင်ႈ​တင်း​မႂ်း​ဢေႃႈ။

မႂ်း​တၵ်း​ၶိုၼ်ႈ​လႄႈ မႃး​တိုၵ်း​တေႃး​ၵူၼ်း​ၵဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ မိူၼ်​ၸိူဝ်ႉ​ၼင်ႇ ၽႃႉ​မိုတ်း​ၽူၼ်​ဢုမ်း​မိူင်း​ၼၼ်ႉ​ဢေႃႈ။ ၵႃႈ​ၼႂ်း​ၶိင်ႇ​ၵႃႇလႃႉ​မိုဝ်ႉ​ဝၼ်း​ၵမ်း​လိုၼ်း​ပုၼ်ႉ၊ ၵဝ်​တၵ်း​ဢဝ်​မႂ်း​မႃး​ယူႇ ၽၢႆႇ​ၼိုင်ႈ​တင်း​မိူင်း​ၵဝ် ႁႂ်ႈ​ၵူၼ်း​ၵူႈ​ၸိူဝ်ႉ​ၵူႈ​မဵဝ်း လႆႈ​ႁူႉ​မႂ်း၊ ၵေႃးၵႃႉ ​ဢိူၺ်း၊ ၼႂ်း​မိူဝ်ႈ​ဢၼ်​ၵဝ်​ႁွတ်ႈ​ထိုင် တၢင်း​ဢၼ်​ယွင်ႈ​ယေႃး သိုဝ်ႈ​ၼႃႈ​တႂ်ႈ​တႃ​ၶဝ် ၵွပ်ႈ​ပိူဝ်ႈ​မႂ်း​ၼၼ်ႉ​ဢေႃႈ။