တၢၼ်ႇယေႇလႃႉ 6-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

ပိၵ်ႉ​သမ်ႉ​ တၢၼ်ႇယေႇလႃႉ ႁူႉ​ငိၼ်း​လွင်ႈ​ဢၼ်​ဢမိင်ႉ​ၸဝ်ႈ မီး​တၢင်း​ဢၼ်​ထုတ်ႇ​ဢွၵ်ႇ​လႄႈ တွၵ်ႇ​တၼ်း​သိၵ်ႈ​ဝႆႉ​ယဝ်ႉ​ၼၼ်ႉ သေ​ၵေႃႈ၊ မၼ်း​ၵႂႃႇ​ၸူး​ၵႃႈ​တီႈ​ႁိူၼ်း မၼ်း​လႄႈ ၽုၺ်ႇ​ပိုတ်ႇ​ႁူး​လၢင်း​တဵၼ် လုၵ်း​ႁၢၼ်ႉ​ၼိူဝ်​ဢၼ် ဝၢႆႇ​ၼႃႈ​တေႃႇ ဝဵင်း​ ယေႇရူႉသလႅမ်ႇ ​ၼၼ်ႉ​သေ​ယဝ်ႉ၊ ယေႈ​ဝၼ်း​သၢမ်​ပွၵ်ႈ ၶုပ်ႉ​ၶဝ်ႇ​ယူႇ​သေ​လႄႈ သူး​တွင်း​လႄႈ ယွင်ႈ​ယေႃး​ၵျေး​ၸူး​ၸဝ်ႈ ၵႃႈ​တီႈ​ၽၢႆႇ​ၼႃႈ ၽြႃး​ပဵၼ်​ၸဝ်ႈ ၸွမ်း​ၵႃႈ​ၼင်ႇ​ဢၼ်​မီး​ထုင်း​ၸၢမ်ႇ ဢၼ်​မၼ်း​ႁဵတ်း မိူဝ်ႈ​ဢွၼ်​တၢင်း​ၼၼ်ႉ မီး​ၼၼ်ႉ​ဢေႃႈ။

ၽြႃး​ပဵၼ်​ၸဝ်ႈ ဢၼ်​ၶႃႈ​ၸဝ်ႈ ၵူဝ်း​ၵႂၢႆႇ​ယူႇ​ၼၼ်ႉ ပွႆႇ​ၸႂ်ႉ​တမၢၼ်ႇ​ၵၢင်​ႁၢဝ်​မႃး သေ​လႄႈ ဢိုတ်း​သူပ်း​သၢင်ႇ​သီႈ​ဝႆႉ​လႄႈ ၶႃႈ​ၸဝ်ႈ​ၵၢင်း​လွတ်ႈ တင်း​ၽေး သၢင်ႇ​သီႈ​ယူႇ​တီႈ​ၶႃႈ​ဢေႃႈ။ လွင်ႈ​မၼ်း​ၸမ်ႉ ၶႃႈ​ၸဝ်ႈ​ၼႆႉ ၵၢင်း​လွတ်ႈ​တင်း​ဢပႅတ်ႈ ၵႃႈ​တီႈ​ၽၢႆႇ​ၼႃႈ မၼ်း​ၸဝ်ႈ​ၼၼ်ႉ​လႄႈ ၶႃႈ​ၸဝ်ႈ ဢမ်ႇ​ၽိတ်း​ပိူင်ႈ​ၵႃႈ​တီႈ ၽၢႆႇ​ၼႃႈ​ၸဝ်ႈ​ႁဝ်း လႃး​လႃး တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။

ၵဝ်​ပူင်​ဢမိင်ႉ​ၸဝ်ႈ ႁႂ်ႈ​ၵူၼ်း​ဢၼ်​ယူႇ​ၵႃႈ​ၼႂ်း သိုင်ႇ​ၸိုင်ႈ​ဝၢၼ်ႈ​မိူင်း ဢၼ်​ၵဝ်​ဢုပ်ႉ​ပိူင်ႇ​တင်း​မိူင်း​ၼႆႉ ၸိူဝ်း​ၼၼ်ႉ ဢွၼ်​ၵၼ်​မီး​တၢင်း​ဢၼ် သၼ်ႇ​သၼ်ႇ​ဝႆ​ဝႆ သေ​လႄႈ ၵူဝ်​ယမ် ၽြႃး​ပဵၼ်​ၸဝ်ႈ တၢၼ်ႇယေႇလႃႉ ​ဢေႃႈ။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ ၼၼ်ႉ ပဵၼ်​ၽြႃး​ဢၼ် ဢသၢၵ်ႈ​လိပ်း​ယူႇ​လႄႈ တႄႇ​ယူႇ​ၼိၵ်ႈၸႃႉ ထႃႇဝရႃႉ​ဢေႃႈ။ သိုင်ႇ​ၸိုင်ႈ​ဝၢၼ်ႈ​မိူင်း မၼ်း​ၸဝ်ႈ​ၼၼ်ႉ ဢမ်ႇ​ႁွတ်ႈ​ထိုင် တၢင်း​ဢၼ်​လူႉ​ဢၼ်​လႅဝ်​လႆႈ။ ဢႃႇၼႃႇၸၢၵ်ႈ​မၼ်း​ၸဝ်ႈ​ၵေႃႈ တၵ်း​တႄႇ​ယူႇ တေႃႇ​ထိုင်​ႁွတ်ႈ တီႈ​သုတ်း​တီႈ​ၵွႆ​ဢေႃႈ။- မၼ်း​ၸဝ်ႈ ၸၢင်ႈ​ၵႄႇ​သႄႇ​ၼုၵ်ႈ​ဢဝ်​လႄႈ ၸၢင်ႈ​ၵႄႇ​သႄႇ​ၶျွတ်ႈ​ဢဝ်၊ ၸၢင်ႈ​ႁဵတ်း​ႁႂ်ႈ ၼီႉမိၵ်ႈ​လၢၵ်ႈၶၼႃႇ တီႈ​ဢၼ်​ဢၢမ်း​လီ တင်း​လၢႆ ပဵၼ်​ၵႃႈ​ၼိူဝ်​ၽႃႉ​ၵၢင်​ႁၢဝ် ဢိၵ်ႇ​တင်း ၵႃႈ​ၼိူဝ်​လိၼ်​မိူင်း​လႄႈ ပဵၼ်​ၸဝ်ႈ ဢၼ်​ၵႄႇ​သႄႇ​ၶျွတ်ႈ​ဢဝ် တၢၼ်ႇယေႇလႃႉ လွတ်ႈ​သေ ၵႃႈ​ၼႂ်း​မိုဝ်း သၢင်ႇ​သီႈ တင်း​လၢႆ၊ ဝႃႈ​ၼင်ႇ​ၼႆ​ဢေႃႈ။

ၶုၼ်​ႁေႃ​ၶမ်း​မီး​ဢမိင်ႉ​လႄႈ ၶဝ်​ဢွၼ်​ၵၼ် ဢဝ်​ တၢၼ်ႇယေႇလႃႉ ​မႃး​လႄႈ ထိမ်ႈ​ၶျႃး​တူၵ်း​သႂ်ႇ ၵႃႈ​ၼႂ်း​ႁူး​ၶုမ် ဢၼ်​ၶင်​သၢင်ႇ​သီႈ ဝႆႉ​ၼၼ်ႉ​ဢေႃႈ။ ၶုၼ်​ႁေႃ​ၶမ်း​ၵေႃႈ မီး​ဢမိင်ႉ​တီႈ တၢၼ်ႇယေႇလႃႉ ​လႄႈ​ဝႃႈ၊ ၽြႃး​ဢၼ်​မႂ်း​ၵူဝ်း​ၵႂၢႆႇ​ယူႇ သေႇ​သေႇ​ၼၼ်ႉ တၵ်း​ၵႄႇ​သႄႇ ၶျွတ်ႈ​ဢဝ်​မႂ်း​လႆ၊ ဝႃႈ​ၼင်ႇ​ၼႆ​ဢေႃႈ။