AROMA 5-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Mbwenye Mulungu ationesa kutifuna kwache kukulu kumbachita iye; Khristu adatifera pandzidzi ukhali ife anthu akudawa!

Chidikhiro chenechi nkhabe kutichitisa kutaya mtima tayu, thangwi Mulungu akhuthula kutifuna kwache mumtima mwathu kudzera muna Mzimu Wakuchena, mtukwa udatipasa iye ule.

Si pyokhapyo tayu, mbwenye timbasekera pontho thangwi ya nyatwa zina ifezi, podi tikupidziwa kuti nyatwa zimbachitisa munthu kupirira, kupirira kumbachitisa munthu kutawirwa na Mulungu, kutawirwa na Mulungu kumbachitisa munthu kukhala na chidikhiro.

Podi chinchino talungamiswa pamaso pa Mulungu thangwi ya chikhulupiro, tina mtendere kuna Mulungu kudzera muna Yesu Khristu Mbuyathu. Kudzera muna chikhulupiro chathu iye achitisa kuti tidziwe kukoma mtima kumbachita Mulungu, kule kuna ife chinchino. Tenepo timbasekera thangwi ya chidikhiro china ife kudzatambira nawo demelero ya Mulungu!

Pikhali ife akusowa chiphedzo, Khristu adafera anthu akudawa pandzidzi wakuthema udasankhula Mulungu.

Podi kudzera muna imfache ninga nsembe, chinchino talungamiswa pamaso pa Mulungu, ndimomwene ife tinapulumuswadi na iye kubulukira kuna ukali wa Mulungu.

Anthu azinji adakhala akudawa thangwi ya kukhonda vera kwa munthu mbodzi. Ntchibodzi-bodzi anthu azinji analungamiswa na Mulungu thangwi ya kuvera kwa munthu mbodzi.

Kwache si pyokhapyo tayu, timbasekera, thangwi ya pyachita Mulungu kudzera muna Mbuyathu Yesu Khristu, ule chinchino achitisa kuti tikhale pontho ashamwali a Mulungu.