Hagai 1-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Mulané, mengkéné tembungé GUSTI sing ngwasani langit lan bumi: Rasakna kahananmu! Kowé kuwi nyebar okèh, nanging setitik olèhé sing kok gawa mulih; kowé mangan, nanging ora nganti warek; enggonmu ngombé ora nganti marem; enggonmu nyandang, ora nganti anget awakmu; uga wong sing buruh, sakwisé nyambutgawé enggoné nyimpen upahé ing kantong sing bolong!

Pada munggaha ing gunung, njupuka kayu, Griya iki bangunen, nganti bakal ndadèkké senengé ati-Ku, lan Aku bakal ngétokké kaluhuran-Ku ing kono, mengkono tembungé GUSTI. Kowé pada ngarep-arep okèh, nanging olèh-olèhé mung setitik lan bareng kowé nglebokké ing omahmu, terus Tak sebul, awit apa? Tembungé GUSTI sing ngwasani langit lan bumi. Jalaran omah-Ku ijik tetep dadi ambruk, nanging kowé pada répot ngrumati omahmu déwé.