Bɔ-Koe-Iyipiti 7-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Mari ya a fɔ Musa ye ko, “N si ile ma mansɛ wo yala iko nde, Alla. I kɔrɔ-kei si ma ita nɛbi la.

N si ale mansɛ yisi gbɛlɛya alako n ni nta kabana-ko-siyamɛ yira a la Iyipiti nyamanɛ rɔ. Kɔnɔ ale mansɛ ti a tole masɔ wola kumɛ la. N si n bole fara Iyipiti nyamanɛ la. N si nna mɔgɛnu nabɔ Iyipiti nyamanɛ rɔ kabana-koenu fɛ.

N ba ban n bole farala Iyipiti kɛnu na tumɛ min ka nna mɔgɛnu nabɔ anu tɛma, Iyipiti kɛnu si a lɔn ko nde le Mari la.”

Mansɛ ya ala hɛnkilimɛnu anubɛ kofo-dannu kele. Ale mansɛla kofo-dannu fanan ya a ma wo nya na le anuta kofo-denyɛ rɔ. Kofo-dan wonu ya anuta sewurinu nakɛ dugi ma. Wonu fanan yɛlɛmanta duguma-fannu na. Kɔnɔ Arunata sewuri min yɛlɛmanta duguma-fan la, wo ya anutɛnu makunu.

Mari ko tun, “Ale mansɛ si a lɔn kɛ le ma ko nde le Mari la. Sewuri min bi i bolo, i ni Nayɛli bɛ gbesi wo la. Bɛ wo si yɛlɛma yele la.

“Mansɛ wa a fɔ wo ye tumɛ min ko wo ni kabana-koe do kɛ, i ni a fɔ Aruna ye ko a ni ala sewuri lakɛ dugi ma mansɛ yakɔrɔ. Kɔlɔma wo si yɛlɛma duguma-fan la.” Musa anubɛ Aruna sɔra Mansɛ yakɔrɔ ka wo ma iko Mari ya anu sɔ nya min. Aruna ya ala sewuri wo bi ka a lakɛ dugi ma mansɛ anubɛ ala mɔgɔ-banu yakɔrɔ. Sewuri wo mara duguma-fan la anu yala.