I Kor 12-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

A kutivonekisa ka Moya kunyikiwa ku mun'wana-ni-mun'wana, akuva apfuna hinkwavu.

N'wine n'wi miri ya Kriste; na kone n'wi swiro swake, mun'wana-ni-mun'wana.

Akuva loko xin'we xiro xixaniseka, na swone leswi swin'wana swixaniseka kun'we na xone. Ni loko xin'we xiro xitwalisiwa, hinkwaswu switrhava kun'we na xone.

Hikuva mun'we anyikiwa hikola ka Moya, a ritu dra vutlhari; mun'wana, hikola ka Moya wolowo, anyikiwa a ritu dra vutivi; mun'wana mfuri, ku Moya wolowo, a nyiko ya kupfumela, mun'wana a ntamu wa kuholisa mavabyi, ku Moya wolowo; mun'wana mfuri a ntamu wa kuyentxa mahlolana, mun'wana a vuprofeta, mun'wana a kutivisisa a mimoya hi vuyentelelo, mun'wana a kukhanela tindrimi ta tinxaka-xaka, mun'wana a kutitlhamuxela.

Kambe hinkwaswu leswo switiriwa hi Moya wolowu wa wun'we, wuyavela ku mun'wana-ni-mun'wana hi laha wurandraka ha kone.

akuva a kutravukana kungativa kone amirini, kambe a swiro switikaratela, swin'we ku swin'wana.

Atinyiko ta hambana, kambe a Moya i mun'we ntsena. Kuni matirela ya kuhambana, kambe a Hosi i yin'we ntsena. Nakone, kuni mintiro ya kuhambana, kambe i Xikwembu Nkulukumba mun'we ntsena, lweyi atiraka hinkwaswu ku hinkwavu.

Nakone, Xikwembu Nkulukumba abeki van'we, a Kerekeni, hi kusungula a vapostola; hi kulandra, a vaprofeta; a va vuraru, i vadondrisi; ntrhaku, kulandra a vayentxi va mahlolana; ntrhaku a tinyiko ta kuholisa, ni ta kupfuna, ni ta vurangeli, ni ta kuvulavula a tindrimi ta tinxaka-xaka.

Hikuva a miri ahi xiro xin'we ntsena, kambe i swiro swinyingi.

Kambe ngopfu-ngopfu, a swiro swa miri leswi swivonekaka na swili swa gome, hi leswi swivilelekaka ngopfu.

Loko afa a miri hinkwawu awova tihlu, a kuyingela afa kutava kwini, xana? Loko afa a miri hinkwawu awova ndleve, akunun'huta akutava kwini, xana? Kambe swoswi, Xikwembu Nkulukumba abeki a swiro: xin'wana-ni-xin'wana amirini, hi laha arandriki ha kone. Kambe loko afa hinkwaswu swova xiro xin'we ntsena, a miri afa wutava kwini, xana?