Guyéaj lógaca bönachi niʼ, yöjödxi légaquiëʼ:
Yöni nágaliʼ, pero bitiʼ tséajniʼiliʼ.
Uyuliʼ ináʼaliʼ, pero bitiʼ iléʼeliʼ.
Yuguʼ bönniʼ ni chinazidi icja ládxiʼdoʼgaquiëʼ,
en bitiʼ bi riyaza icja nágagaquiëʼ.
Gulunëʼ ca tun nupa nachul-la guiö́j lóguequi
para cabí ilaʼléʼe len guiö́j lóguequi,
en cabí ilaʼyöni nágaguequi
para cabí uluʼzéajniʼi ládxiʼguequi,
en cabí ilë́ʼëni uluʼhuöáca queëʼ Dios
para gaca unaʼ léguequi.