मरकुस 6-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

तां लग घणा ढेरका माणहु आव्‌वा अने जवा बाज र्‌या हता। करीन तीमने खावा लग नवराय नी जड़ी। एतरे ईसु तीमने केदो, “चालो, आपणु बड़ा मे एक वगा उजाड़ी जागा मे जता, तां जीन तमु थोड़ीक वार थाको पी लेजो।”

ईसु तीमने केदो “भगवान वगे गेथी वात केण्‌या माणहु ना गांमल्‌या, भाय-बेटा अने घोरल्‌या ईज्‌जत नी करे, पण बीजा ईज्‌जत करे।”

ईसु ढुंड्‌या मे गेथो उतर्‌यो ता घणा ढेरका माणहु ने देख्‌यो, जे गुवाळ्‌या वगर खोवायला गाडरान तेवा हता, करीन ईसु ने तीमनी पोर घणी गीण आवी, अने तीहयो घण ढेरकी वात तीमने ह़ीकाड़्‌यो।

एतरे ईसु आह़फा ना ह़ेर मे ढेरेत काम नी कर्‌यो; पण थोड़ाक मांदला पोर हात मेलीन तीमने आरगा कर्‌यो। ईसु आह़फा ना ह़ेर वाळा नो वण-भरहो देख्‌यो ता तीहयो घबराय ज्‌यो। अळतेण ईसु आहया गाम ने ह़ेला गाम, हींडी-हींडीन ह़ीकाड़तो र्‌यो।

अने अळतेण ईसु तीहयो पांच रोट्‌ला अने बे माछला मांगीन हात मे लेदो, अने ह़रग भणी उपर भाळीन भगवान ने केदो, तु घणो वारु से, अने रोट्‌ला अने माछला ढेरका हयता ज्‌या, अने ईसु रोट्‌ला भांगीन चेला ने आप्‌यो, अने तीहया चेला माणहु ने वाटता ज्‌या, अने माछला बी पंगात मे वाटता ज्‌या। अने आखान-आखा खायलीन आफरी ज्‌या। तीहया बचला रोट्‌ला ना कटका अने माछला ना डळा चुटीन भेळा कर्‌या ता बारे चार्‌या भराय ज्‌या।