मत्ती 19-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

यीशुए तैन केरे पासे तेकतां ज़ोवं, “मैन्हन करां त एन न भोइ सके पन परमेशरे करां सब किछ भोइ बटते।”

एल्हेरेलेइ हुनी तैना परमेशरेरी नज़री मां दूई नईं, पन अक्‍के आन। एल्हेरेलेइ ज़ैना परमेशरे ज़ोड़ोरेन, तैन्न कोई मैन्हु अलग न केरे!”

तैनी जुवाब दित्तो, “कुन तुसेईं नईं पढ़ेरू कि ज़ैने तैना बनां तैनी शुरू करां मड़द ते कुआन्श बनेवरां थियां। ‘एल्हेरेलेइ मड़द अपने हाज बव्वे करां कनारे बिशतां अपनि कुआन्शी सेइं साथी रालो, ते तैना दूईये अक जान भोल्हां।’

यीशुए ज़ोवं, “बच्‍चे मीं कां एजने देथ, तैन न ठाका, किजोकि सुर्गेरू राज़ एरां केरूए।”

पन बड़े मैन्हु ज़ैना हुन्ना पेइले आन, तैना बादे मां पत्रोवं भोनेन। त ज़ैना हुन्ना पत्रोवं आन, तैना बादे मां पेइले भोनेन।”

ते ज़ैनी केन्चे अपना घरां ते ढ्ला या बेइन या हाज या बव या बच्‍चे या ऊडारां छ़ड्डोरेन, तैस 100 गुणा फल मैल्हेलो, ते हमेशारी ज़िन्दगरी विरासत मैल्हेली।

यीशुए तैस सेइं ज़ोवं, “अगर तू सिद्ध भोनू चातस, त गा ज़ैन किछ तीं कां आहे तैन बेच़तां गरीब मैन्हन दे, तैखन तीं सुर्गे मां खज़ानो मैल्हेलो। ते एइतां मीं पत्ती च़ल।”

यीशुए तैस सेइं ज़ोवं, “तू मीं भलैइये बारे मां किजो पुछ़तस? परमेशरेरे अलावा होरो कोई भी रोड़ो नईं, पन अगर तू हमेशारी ज़िन्दगी हासिल केरनि चातस त हुक्म मन्न।”

फिरी अवं तुसन सेइं ज़ोताईं, परमेशरेरे राज़्ज़े मां अमीर मैन्हेरू दाखल भोने करां ऊँटेरू सांधनेरे पाऐ मरां निसनू सुख्तू आए!”

अवं तुसन सेइं सच़ ज़ोताईं, कि ज़ै कोई अपनि कुआन्शी बदमैशरे अलावा कोन्ची होरि गल्‍ली पुड़ फारख्ती दे, ते तै केन्ची होरि सेइं ड्लाह बनाते, त तै (एप्पू) बदमाशी केरते। ते ज़ै तैस शैरोरी कुआन्शी सेइं ड्लाह बनाते, त तै भी बदमाशी केरते।”

तैखन यीशुए अपने चेलन सेइं ज़ोवं, “अवं तुसन सेइं सच़ ज़ोताईं कि अमीर मैन्हेरू सुर्गेरे राज़्ज़े मां दाखल भोनू मुश्किले।