उत्पत्ति 45-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

इब थम ना पछताओ, अर थमनै जो मेरे ताहीं उरै बेच दिया था, इसतै उदास ना होओ; क्यूँके परमेसवर नै थारी जान बचाण कै खात्तर मेरे ताहीं थारै आग्गै भेज दिया सै।

इस तरियां इब मन्‍नै उरै भेजण आळे थम न्ही, परमेसवर ए सै; अर उस्से नै मेरै ताहीं फिरौन का पिता जिसा, अर उसके सारे घर का माल्‍लिक, अर सारे मिस्र देश का प्रभु ठहरा दिया सै।

इस करकै परमेसवर नै मेरै ताहीं थारै आग्गै ज्यांतै भेज्या ताके थम धरती पै जिन्दा रहो, अर थारे प्राणां कै बचण तै थारी पीढ़ी बढ़े।

फेर यूसुफ नै अपणे भाईयाँ तै कह्या, “मेरे धोरै आओ।” न्यू सुणकै वे धोरै गए। फेर उसनै कह्या, “मै थारा भाई यूसुफ सूं, जिस ताहीं थमनै मिस्र देश म्ह आण आळे व्यापारियाँ कै हाथ बेच दिया था।

क्यूँके इब दो साल तै इस देश म्ह अकाळ सै; अर इब और पाँच साल इसेए होवैगें के उन म्ह ना तो हळ चाल्‍लैगा अर ना फसल काट्टी जावैगी।

फेर यूसुफ अपणे भाईयाँ तै कहण लाग्या, “मै यूसुफ सूं, के मेरा पिता इब तक जीवै सै?” इसका जवाब उसके भाई न्ही दे सके; क्यूँके वे उसकै स्याम्ही घबरागे थे।