Mak 12-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Jesu da kpahe, Ọ rẹsosuọ na, Nyo, Izrẹl; Ọrovwohwo Ọghẹnẹ rẹ avwanre na, Ọrovwohwo ọvuọvo; Wọ me vwẹ udu wẹn ejobi guọnọ Ọrovwohwo Ọghẹnẹ vwẹ ẹnwẹn wẹn ejobi, kugbe iroro wẹn ejobi ji kugbe ogangan wẹn ejobi. Ọrivẹ kẹ ọna, wọ mẹ guọnọ ọrivẹ wẹn kirobo wọ guọnọ oma wẹn. O gbi vwo Urhi ọfa rọ rhonọ enana-a.

Jesu de se idibo rọye bro rhe ọ da ta kẹ ayen, uyota me ta kẹ ovwan, Ayeuku nana rẹ ogbere na phihọ bunọ ayen ejobi ri phihọ asan re de mie arhọghọ na; kidie ayen ejobi phihọ tiobo rẹ ayen vwo bu te; ẹkẹvuọvo ayeuku nana vwẹ evun rẹ obẹnvwẹ rọye o de phi obo ro vwori ejobi phihọ, ọye ọvo obo ro vwori vwẹ akpọ na.

O de tidia hirhe opharo ku asan re de mie arhọghọ, ọ da mrẹ obo rẹ otu na phiẹ igho phihọ asan re de mie arhọghọ na; ayen otu ri feri de phihọ buebu. Ayuku ọvo ogbere o da yan rhe, o de phi anini ivẹ phihọ.

nẹ wọ me vwẹ udu wẹn ejobi, kugbe ẹruọ wẹn ejobi, kugbe ogangan wẹn ejobi, wọ je guọnọ ọrivẹ wẹn kerẹ omaobọ wẹn, ọyena wan izobo ra torhẹre kugbe i re Zeri.

Jesu da ta kẹ ayen, A vwẹ emu rẹ Siza kẹ Siza, re a vwẹ emu rẹ Ọghẹnẹ. Ọ de gbe ayen unu gangan.