Matiu 16-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Jesu da ta kẹ idibo rọye nẹ, ohwo da guọnọ nẹ ọye nene uvwe, e jọ siẹn oma rọye re o mu agbagba rọye re o nene uvwe.

Me ta kẹ wẹ nẹ, wọwẹ hẹ Pita, enu rẹ oragha nana me bọn ishọshi mẹ phihọ; ukpokpoma ọvuọvo se gere she-e.

Ke me je vwẹ usiaphrẹ rẹ uvie rẹ odjuvwu kẹ wẹ, rere kemu kemu wọ gbare vwẹ akpọ ya gbarọ vwẹ odjuvwu: kemu kemu re wọ rhanre vwẹ akpọ na ya rhanrọ vwẹ odjuvwu.

Kohwo kohwo ro sivwi arhọ rọye o kuọfia; ọ ro ku arhọ rọye fia kọ mrẹ reyọ.

Didi erere ri te ohwo, ro de vwo emu rẹ akpọ na ejobi, ro de ku arhọ rọye fia? eyẹ kidie ohwo se vwo wene arhọ rọye?

Ọ da ta kẹ ayen nẹ, kono ovwan ta ne me epha? Saimọn Pita da kpahe ọ da ta nẹ, Wẹ hẹ Kristi na, Ọmọ rẹ Ọghẹnẹ ri bẹdẹ na.

Jesu da kpahe ta kẹ nẹ, Ebruba kẹ wẹ Saimọn omo ri Jona; kidie ugboma eyẹ ọbara djere kẹ wẹ-ẹ, jokpa rẹ ọsẹ mẹ rọ hẹ obo odjuvwu.