2 Tẹsalonịka 2-ൽ നിന്നുള്ള പ്രശസ്ത ബൈബിൾ വചനങ്ങൾ

Ó minini tẹ gbọrụḅọ-sọ oḅori kẹ ọ́ sịn ma, gbọrụ ḅọkọ ḅụ sọ. KỊNỊNYANAḄỌ ḅe Ene mẹ ḅo ḅịa nwenii kunoma Kọngọ kụrọ mịẹye mẹ mịẹ ḅa, tẹ Si-sịḅịḅio-sụa Ḅọ ḅe tolu-sịẹ sakị la ḅa, anie sime ẹlị pịrị ḅọ ḅe.

Mịnapụ, wa ó gotẹ sakị mamgba ịmịẹtẹ kẹ Tamụnọ ḅẹẹ nyanam, ọmịnị tẹ Tamụnọ ḅẹlẹmarịapụ ma. Kẹ gotẹ ọkọ ḍukoarị, Anịngẹ-kụraḅio Tamụnọ ọ́ sẹlẹ-ọkịm, ọ̀ Fịafịa Tẹmẹ ḅe kụrọ ḅụ ḅọrọ tẹ ọ́ ḅọrọma tẹ ọ́ kẹ fịafịa atomi sọma ḅẹ ḅara, ọ̀ karakara mẹ ḅụ ọ́ nyana minini ḅụ.

Tomi kẹ tamụnọ sịn-arị, anịanịa sunsin pịrịarị ye goyegoye ori anị na tụḅụrụ ḅa, tẹ pịkị ọ̀ ḅụụ ḅẹẹ ḅa mịnẹ ori inimgba sịḅịdaḅọ. Tamụnọ-warị ḅio sọ ọ̀ sọ-mu lẹgị-sime tẹ ḅẹẹ ḅa ori Tamụnọ.

Yee wa Nyanaḅọ Jizọsị Kịrayịsị ḅioju, na Tamụnọ wamịna Ḍaḅọ, wa ḅẹlẹma tẹ amịna ḍiki-ḅụụjịrị ḅụ gbarị-a ḅiokpọ na ḅiokpọmaye na kẹ wa pịrịarị ḅọ ḅe, ọmịna ḅiokpọma tẹ ịnyọ kẹ ọ́ pịrị tẹ ọ́ kẹ iḅiye mịẹ pịkị iḅiye ḍuko sakị mẹmgba.

Anie ḅụ, Tamụnọ karakara mịẹ mịẹ-a kụrọ kẹ ịn fịrịmarị, anị ịna ḅụụ ḅio kọrịnama kọrị tẹ ini iruo ye mininiarị.

Si-sịḅịḅio-sụa Ḅọ ḅe, Ekwesu kụrọ mie ọ̀ kẹ ḅo ḅarịye, tẹ kẹ kịrị-kịrị iruo ḅụụ-buama-aị na ḅụụ-gbiripuma aị na mịẹ ḅa, tẹ si-sịḅịḅio oḅori goyegoye kẹ fịị fa ḅarị apụ ma sịn ḅa. In gotẹ fịị ḅarịye, ịn ḅọrọma ḅẹ karakara mẹ ini anị daa-ọkị tẹ anị ḅẹlẹma-a.

Si sịḅịḅio ḅọị tẹ mịẹ ye mẹ mịẹarị kụra-ḅio iḅerea, kụma paka ḅarịye mẹ paka ḅịa nwenii ini anị kikiarị ḅọ ḅe sakị sikima sakị la ḅa.