Maʼtɛ́as 15-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Kɔmɔɛ́d lɛ́ nkə kɛ́ kíəgiim kɛ́lon a unuʼ ó mɔɔd, kɛ́lɛ nkə kɛ́ kíəgiim kɛ́lon a ɔʼtɛ́m wə́ə́ŋ a kaadɛ. Kɛ́lɛ́ aa kíəmuúfiləni lɛ́ a ɔʼtɛ́m ó mɔɔd a kaadɛ aa mafɛgaʼ má mabɛ́ málɛɛ́ əgiim. A ɔʼtɛ́m wə́ə́ŋ a kaadɛ aa mɔɔd aáfɛga lɛ́ nyɔ́lɛ́ yóon sɔ́g, yɛ́ɛlɛ kɛdaŋ, yɛ́ɛlɛ pɛɔg, yííbə, ádɛ́lɛm mbaasɔ́ yɛ́ mbɛ́, ádóga pɔsɔ́g.

Adɛ́njaŋ nkə kɛ́ mɔɔd aágaáyáág a unuʼ aa kíəmuúfiləni, ndóo. Nkə kɛ́ kɛ́lɛɛ́ agolon a unuʼ wə́ə́ŋ áa kíəmuúfiləni.»

Táán ɔnɔ́: “Ndɛg yɛ́ɛnɛ ɛlɛ agɛnyáadɛ əgín na unuʼ na unuʼ, kɔmɔɛ́d lɛ́ a ntɛ́m yɔɔbɔn a kaadɛ, pálɛ afɛga ndɛ́ŋ. Pɛɔ́sɔ́gɔ́lɔ́n pɛɔ́bɔn na nkə kiim kɛ́ pálɛɛ́ agɛɛlɛ agɛnyɛɛ́ʼkɛn nnyáádɛ́ kɛ́lɛ iyó lɛ́ ndə́b ngim yɛ́ pálɛɛ́ agaaʼkananɛ pɔɔd, ɛlɛ yɛ́ ɛlɛɛ́ a pisiə́g pɛ́ pɔɔd”»

Áay anɛ́ɛ́n áa Yə́sus yɛɛ́dɛánɛ na ɔʼkɛ́ɛd nyóon ɔnɔ́: «Íyowó, omáág fɔ́lɔ́b oʼto na Táán. Ágoyɛ́ʼkɛn nkə kɛ́ɛg kɛ́ olɛɛ́ amoyálɛɛlɛn aá.» Əgín tɛn ná Yə́sus yiísə́ə́ náan, mɔɔ́n wo ɔʼkɛ́ɛd nyóon aáság koság koom.

Ná ɔʼkɛ́ɛd nyóon ayóób náan, aáság kɛɛn ədə́əŋənən Yə́sus a ambaan, ɔnɔ́ na nyɔ́lɛ́: «Sə́dúk, sɛ́gɔɔ ɛ́nyɛɛ́bɛ́!» Yə́sus əyímuyúlísíni ɔnɔ́ na nyɔ́lɛ́: «Ndóo, kɛ́dɛɔ́gɔ kɛŋɛʼ lɛ́ pə́siəd moom mó konɛ mó pɔɔ́n pá pɔɔd agodo na pobo.» Ɔʼkɛ́ɛd əyúlísíni na Yə́sus ɔnɔ́: «Ɛɛ́ɛ Sə́dúk! Kɛ́lɛ náan fɔ́lɔ́b. Náa, adɛ́ pubum pó pólɛɛ́ əgudə́əŋən kɛnɛŋ kɛ́ pəsə́dúg pɔ́ɔ́bɔn pálɛ agonɛ́ɛnɛ, ándɛ pɔɔ́n pá pobo páabáda ə́!»