A bɛnta le i ni anu kawandi Ala la yamɔrenu nun a la sariyanu la, i ni anu lalɔn anu bɛnta kila min jokkila. Anu bɛnta min mala i mɛn ni wo fɔ anu ye. Wo kɔma, i mɛn ni mɔgɔ kendenu masubɛ jama bɛ tɛma minnu be kilanden Alatala la, minnu be maren tɔɲa fɔlanu la, anun minnu bele sɔnden ji sige la kɔtɔ la. I ni wonu ma anu la ɲatonkanu la, ka fɔlɔ mɔgɔ wulu dɔndɔ la kuŋɛ ma, a ni ke mɔgɔ kɛmɛ la kuŋɛ ma, a ni ke mɔgɔ bi loolu la kuŋɛ ma, han a ni taga sigi mɔgɔ tan na kuŋɛ ma.