Tyai Á̱zanson 22-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Nung gwa ngyet A̱lfa ma̱ng Omega, A̱son ma̱ng A̱ngaan ka, A̱tsan ka ma̱ng A̱mgba̱m wu!”

(Á̱ si̱ fa̱k a̱nwuat ka̱ nyia̱,) “Di, n chobai di̱ mi̱n byian jen! N na bai ma̱ng zang, n na nwuak konyan cha̱chaat ma̱ng nta̱m nang gu nyia̱ a̱ni.

A̱za̱za̱rak Ntswa wu ma̱ng Nggwon neam naat nyeang ka si̱ nyia̱, “Yesu bai!” Konyan wa fa̱k a̱ni, yok gu nyia̱, “Yesu bai!” Yok a̱mgba̱m á̱niet ba̱ fwuong mashyi a̱sa̱khwot a̱ni, ba̱ bai! Yok á̱niet ba̱ chat swuo a̱sa̱khwot nswuan a̱ni, ba̱ bai ba̱ swuo di̱ mi̱n tan zang!

“Á̱niet a̱li̱ba̱rka bya yet á̱niet ba̱ kwi a̱yaatoot mba ba a̱ni! Á̱ na shim mba ndyo ba̱ nwuo á̱zanunwuai a̱keang a̱fai ka, a̱wot ba̱ ya sum a̱kwon swuan hu!

(Á̱ si̱ fa̱k a̱nwuat ka̱ nyia̱,) “Di! N chobai di̱ mi̱n byian jen! Á̱niet a̱li̱ba̱rka bya yet á̱niet ba̱ khwi á̱lyiat a̱yaata̱m a̱kwonu A̱gwaza na nang á̱ lyuut mi̱ ta̱ka̱da huni a̱ni.”

Á̱ na mbyia̱ a̱tyetuk a̱ja bah. Da̱ mba, á̱ na mbyia̱ long fi̱tila ku mam bah. Mat A̱gwaza a̱ yet A̱tyoli a̱ni, nggu wa na sai a̱vwuo ka! Ba̱ na nyia̱ tyok ndung ma̱ng A̱gwaza si̱ nat sang sangba̱p.

Yesu, a̱tyu a̱ tak a̱chuchuk kpa̱sai tazwa a̱mgba̱m nkyang nani a̱ni, nyia̱, “A̱tsak a̱lyiat wa za̱m, n chobai di̱ mi̱n byian jen!” Samba̱rka! Bai A̱tyoli Yesu, bai! Yok shok A̱tyoli Yesu ji̱ shya̱ dundung ma̱ng á̱za̱za̱rak á̱niet A̱gwaza! Samba̱rka!

A̱wot nung Yoona, n gba n si̱ bu nkhwat nyin a̱fufwuo! Konyan wa fa̱k a̱lyiat A̱gwaza nang á̱ lyuut mi̱ ta̱ka̱da huni na̱ na bai á̱zanson a̱ni: Ka̱ a̱yin mbeang tyiet ghyang di̱ kyang nang lyuut huni fa a̱ni, A̱gwaza na mbeang a̱tyu a̱wa mbyep nang á̱ wa̱i mi̱ ta̱ka̱da huni a̱ni! Ma a̱nia wa, ka̱ a̱yin ma nghyuai tyiet nang a̱lyiat A̱gwaza mi̱ ta̱ka̱da huni fa, na̱ na bai á̱zanson a̱ni; A̱gwaza meang, na ti̱n kyang ku yet a̱kwonu a̱tyu a̱wa ma̱ a̱kwon nswuan ka, ma̱ng a̱za̱za̱rak a̱keang wu, nang á̱ ngwa̱i na mami ta̱ka̱da huni a̱ni!