Nta̱m A̱yaata̱m 5-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

A̱wot Bitut ma̱ng á̱kum a̱yaata̱m Yesu ba si̱ nwuak ba shim nyia̱, “Ku yet ta hwa, zi̱ khwi kyang nang A̱gwaza tak zi̱t a̱ni. Ku lan nang zi̱ na nkhwi tyok a̱tyubishyi a̱ni.

A̱wot kuzang a̱tuk, ba̱ si̱ yong mi̱ di chong didyaat A̱mali Nwuat Za̱nang A̱gwaza ka. A̱wot ba̱ si̱ nwuai ma̱ a̱ka̱sa á̱niet na. Ba̱ si̱ ya a̱son ma̱ng tyiet hu, á̱ tsa á̱ bu nshei A̱sham Nkhang ka, nyia̱, “Yesu wa yet Kristi, a̱tyu nang A̱gwaza kup gu tyok a̱ni!”

A̱jawa Bitut si̱ nyia̱ ma̱ng a̱nggu, “Ananiya, yihwa mbyia̱ nang a ghwon A̱ta̱nyeang ka si̱ swuo chet fwuo ang hu? A bwuo A̱za̱za̱rak Ntswa wu la! A si̱ bu niat á̱kum kurum nang a ndyap a̱byin ka a̱ni da̱nian a̱pyia̱ ang. A̱byin ka yet a̱ si̱ nwan kya, a si̱ ndyap ka baa? A̱wot nang a ndyap a̱ni, kurum hu si̱ yet si̱ nwan hwa baa? Yihwa mbyia̱ a si̱ nyia̱ tangka̱i a̱di̱dam a̱hwa mi̱ fwuo ang hu? Mat a̱nia, a̱tyubishyi wa nang a bwuo nggu la hu bah. A̱gwaza wa nang a bwuo nggu la hu!” Mi̱ di̱ yong a̱hwa, nang Ananiya nfa̱k a̱lyiat a̱nia a̱ni, a̱ si̱ kin shot a̱kwa a̱byin, a̱ si̱ khwu! A̱mgba̱m á̱niet ba, ba̱ si̱ fa̱k nkhang na a̱ni, a̱wun si̱ ta̱bat baa.

“Mat a̱nia, a̱lyiat nung ni̱nia yet. Nyi yok nyia̱ á̱niet bani kyang bah. Nyi yok ba, ba̱ nkat. Ka̱ ba vwuoi kyang huni ba̱ chat nyia̱ hu di̱ chat á̱pyia̱ mba hwa, ku na labeang bah, ku na kwa. A̱wot ka̱ ku neet da̱ a̱vwuo A̱gwaza kya, nyi byia̱ chet nang nyi na nvwong á̱niet bani a̱ni bah! Ka̱ nyi lyem bah, nyi na shya̱ nang nyi nyia̱ zwang ja ma̱ng A̱gwaza ma̱ a̱pyia̱ nggu!”