LUK 6-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Tii o, kum ti thei, nangniw khang tiilou puni; baanh daicna, nym keyna, kanuk padikna, nsuang lyamna nangniw pamv khou guang bunlou puni. Kalam thu, nangniw rui ndatmei dath tei rui nangniw khang ni ndatlou dat puni.”

Meicgaymei rui gaymei ryloupui bamv kalung khou rui gaymei laa pat re, khatni meicsimei rui simei ryloupui bamv kalung khou rui simei laa pat re. Kalam thu kalung khou padikna naimei khou rui kamwang khou rui sa tuang e.

Tiki nangniw ta zauczihmei nunc ta nzian o, kaniw khou gayna swlouna, ramhkhat na sini tii dat pungh e twmei ning makna tii pat ro. Kum e thei nangniw tuang swan daic puni, khatni nangniw Kauh Liangmeipu nac nunc sw puni. Kalam thu kamei thu meic huath thay makmei khatni meicsimei nunc ta sini zauc nzianloumeipu de.

Nangniw Pu zauzian thaymei kumcna, nangniw ni zauzian thay o.

“Latzan sw riu, kum ti thei, nangniw ta ni latzan sw mak puni; khuay phu riu, kum ti thei, nangniw khuay ni phu mak puni. Kuaklou o, kum ti thei, nangniw ta ni kuaklou puni.

“Tiki alat nking bammei nangniw khou ai rui sa tuang e: Nangniw ta zauczihmei nunc ta nzian o, nangniw ta karaengmei nunc khang gaymei swlou tio, nangniw ta siangloumei nunc khou suaihiamlou tio, khatni nangniw khou latsic latrouc saloumei nunc khang huayneylou tio.

Meickai rui nang khou swlou pw tu laa niimei tei nang rui meickai khang swlou tio.

Nang biangc kaphi pw e thei kabiak akhat tei ni nzuhlou tio. Nang phey asut kanmeipu tei rui nang tuang thiula ni laa ni tw e thei tii tio. Neymei guay khang tii tio, kumna thowkumhmei rui nang tuang laa kan e thei, hei tei ney dat ri tho.

“Karav gaymei thing bang rui kathai simei nthai mak ge, karav simei thing bang rui ni kathai gaymei nthai mak ge.

Thing bang ta tei kathai rui dinc e. Raengtawsauc bang khou tadut thai nthai mak ge, sauhmuanhna bang khou ni drakha thai nthai mak ge.