LUK 4-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Khoutei muhzwng Isaia tuang latrik zy kakhou tiilou the. Kumna kamei hei tei ric pat pwkhou, mi kumcna hylou bammei tei ariw the: “Poubauhmei Bumaengc akhou bam e; kalam thu lungcsimei nunc khou gaychamv dinh khang, kamei rui ata suanglou the. Bangclou bammei nunc khou ricloumei chamv, khatni mik tiatmei nunc khou, mik tirakloumei chamv dinc ndauh khang, sin zyn bammei nunc ta tiduaklou khang, khatni Poubauhmei tuang zauzian ganv kauc ndauh khang, kamei rui ata ndiulou the.”

Khoutei Jisu rui sa the, “‘Poubauhmei nang Racguangc ta nang kalum nina e khatni kasiamruai na sw nina e’ twna hylouna nai e.”

Khoutei Jisu rui daw the, “‘Ntyan na rui meic ringh mak ge’ twna hylouna nai e.”

Jisu, Bumaengh Nthanmei rui padikna Jordan thangc rui guang dat khou, Bumaengh rui kata tazikramv thangc zaeng riakdei nduanghlou khwan e.

Khoutei Jisu rui sa dawna sa the, “‘Nang Racguangc Poubauhmei ta nang nchanv lak nina e’ twna sa e.”

Nchanv nimei guay nchanv ntangh lana, kadouchamei ganv ariw dat mak saanv khang ravsic tei kakhou rui tat pat kan the.

Khoutei ravsic tei rui Jisu ta kauh khou nduangh kuna kadyng khou mbaanv kapwm tuang guangcdic guay lyanlou the. Ravsic tei rui kakhou sa the, “Mi guangcdic guay tuang ngamv khatni hym hei ai rui nang khang tii puni; kalam thu mi hei abaanc khou tiilou the; kumna mi hei ai rui tiilou nii niimei khou tiilou e. Kumna nang ahu khou nkhum keyna ata kalum e thei, mi guay hei nang tuang sw puni.” Khoutei Jisu rui sa the, “‘Poubauhmei nang Racguangc ta nang kalum nina e khatni kasiamruai na sw nina e’ twna hylouna nai e.”

Khoutei Jisu ta Jerusalem khou nduangh guangna Ravkai twan pinh khou tidinglouna ravsic tei rui sa the, “Nang Ravguangc Nac Mpouh e thei, mi khou hei rui cham key o; ‘Nang ta gaeklou khang kabaanchara nunc ta ndiulou puni; kumna nang phay ntauh khou kadyang mak khang kaniw baanc rui nang ta kapuanglou puni’ twna hylouna nai e.” Khoutei Jisu rui sa dawna sa the, “‘Nang Racguangc Poubauhmei ta nang nchanv lak nina e’ twna sa e.”