Петрдыҥ 1-кы самаразы 4-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Элдеҥ озо бой-бойыгарга јаантайын карузып јӱригер, нениҥ учун дезе сӱӱш кӧп кинчектерди таштаттырып јат.

Кажыгар ла Кудайдыҥ јӱзӱн-башка јакшылыгын башкарып јадыгар. Оныҥ учун алган јайалтагарды тузаланып, бой-бойыгарга болужыгар.

Айдып турган кижи, Кудайдыҥ сӧстӧрин чилеп айтсын, серкпеде иштеп јӱрген кижи, Кудай берип турган кӱчле иштезин. Ол Иисус Христос ажыра ончозында макталзын деп, анайда эдигер. Ого чактардыҥ чакка мак ла јаҥ. Аминь.

Христостыҥ кижизи чилеп шыралап јӱрген болзоҥ, уйалба, је андый салым учун Кудайды макта. Оныҥ адын аданып јӱргениҥ учун Оны макта.

Је ончозыныҥ учы јуук. Анайдарда, керсӱ болыгар, мӱргип, сергек болыгар.

Кару улузым! Слерге Кудай отло ченелте ийзе, кайкабагар, ол слерге туш неме деп бодобогор. Карын, сӱӱнигер, нениҥ учун дезе Христостыҥ шыраларында туружып јадыгар. Оныҥ магы ачылза, сӱӱнеригер ле јыргаарыгар.

Арбанбай, бой-бойыгарга кӱндӱзек болыгар.

Анайдарда, Кудайдыҥ табыла шыралап јӱргендер јакшыны эдип, Ого, сӧзине чындык Јайаачыга, јӱрӱмин бӱдӱмјилезин.

Анайдарда, Христос бис учун эди-каныла шыралаган. Слер де ол ло санаала јепсенигер, нениҥ учун дезе эди-каныла шыралап јӱрген кижи кинчек этпей барат. Јердеги јӱрӱминиҥ арткан ӧйин кижиниҥ кычаларына башкартпай, је Кудайдыҥ табыла ӧткӱрерге, оныҥ анайда эдип турганы ол.

Христостыҥ ады учун слерди јамандап турган болзо, кежиктӱ болгоныгар ол, нениҥ учун дезе Кудайдыҥ мактулу Тыны слерде амырап јат. Олор Оны јамандап јадылар, слер мактап јадыгар.