Lwiki 6-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Pana á dwã bɛ́ nɛ, mùnì ga Yi pə ámyɛ nɛ. Yi bʼa myɛrhɛ zwã̌ w e sú e shìl rə pə ába. Zwã̌ y á nʼá ce è wẽ́ á pɛ á dwã bɛ́ nɛ mɔ́, wɔ́ èmyɛ́ dwí rí cìcì wẽ́ Yi mʼa ce né rə pə ámyɛ nɛ.”

Lyì-twə̂ nʼê vùr kɔn dɛ̀bɛ́ rə̀ càn è wẽ́ è ce pwẽ̀ nè, bə̀ wɔ́ cɛ̀nɛ̀ rə̀ sú è wu wə́. Lyì-bəlwɛ̀lɛ́ nʼê vùr kɔn dɛ̀bɛ́ rə̀ bə càn è wẽ́ è ce pwẽ̀ nè, bə̀ wɔ́ lwɛlɛ rə̀ sú è wu wə́. Wɔ́ kɔn dɛ̀bɛ́ rə̀ sú numbyíní wu w mú rə̀ nʼê dwi è nyú wə.

Sə ámyɛ̌, swénénə á zwə̀ bé, sʼá wɛ̀rhɛ́ cɛ̀nɛ̀ ǹdə́ bɛ, sʼá jìmì bì. E də̀ bə̀ la kʼa càrh ába yil yé. Èta, á bʼâ nə kwândɛ nánzhəzhɔ̌. Á mʼâ yə̀ Dɛ̃̌ cə́bal Yi byâ. Ń nə́ ń wɛ̀rhɛ́ cɛ̀nɛ̀ byɛ̀bɛ́ bə̀ yə̀l də̀lànɛ̀ ǹdə́ bə̀cà cìnə́ ga nɛ.

Yálna nɔ̀nɔ̀ dǔr cìnə́ ǹdə á Da mɔ́ gə́ wɔ́ nɔ̀nɔ̀ dǔr cə́bal nɛ́.

“Á bə̀kʼá kə́ á dwã bɛ́ bùrsì, mùnì Yi bə̀kʼa kə́ ámyɛ bùrsì yé. Á bə̀kʼá pə dóó á dwã bɛ́ nɛ, mùnì Yi bə̀kʼa pə dóó ámyɛ nɛ yé. Pana sǔbri dwã nɛ, mùnì ga Yi pə sǔbri ámyɛ nɛ.

“Ámyɛ̌ byɛ̀bɛ́ á nʼá cili à zɔ̀mà nɛ́ mɔ́, à nʼâ wə̀l ába: swénénə á zwə̀ bé, sʼá wɛ̀rhɛ́ cɛ̀nɛ̀ ǹdə́ byɛ̀bɛ́ bə̀ nʼê jí zùùrì ǹdʼába mɔ́. Lwə̂lnə Yi byɛ̀bɛ́ bə̀ nʼê lwe ába mó yilə. Lwə̂lnə re bə̀ rə̀ cĩ́ bwəl byɛ̀bɛ́ bə̀ nʼê bwəl lwɛlɛ bə̀ pɛ ába mɔ́ yó.

Dɛ̀bɛ́ á nʼá yâl bʼâ dwã bɛ́ wɛ̀rhɛ́ ába, sʼámyɛ wɛ̀rhɛ́ rɛ bə̀myɛ́ nɛ.

Lò gə mà mɔ́ jə̀-sâ, sə́ pyìrhí ǹ pə̀pá y dõ mó ń pɔ̃. Lò gə nə́ ń yâl n zwẽ ǹ kàmə̀-zù-èdɔ̀lɔ̀, sə́ bə̀ká cẽ námpɔ́lɛ́ y myɛ yò yé. Lò mɔ̀bɔ́ gakó ń gə lwə̀l mó kɔn, sə́ pɔ̃. Lò gə zwẽ ǹ kɔn, sə ǹ bə̀ká bwə̀rh mò yé.

“Cǒ kɔ̀bɔ́ ò càn tʼâ ce byâ byɛ̀bɛ́ bə̀ bə càn yé. Cǒ kɔ̀bɔ́ ò bə càn myɛ tʼâ ce byâ byɛ̀bɛ́ bə̀ càn yé.

Bə̀ yʼa tó cǒ byâ dɛnnɛ bə lwar ò ná y párá. Bə̀ tʼâ kwẽ épyìlə́ bàasɔ̀bɔ́ yó yé. Bə̀ tʼâ kwẽ écin ésɔ́nɔ́ yó yé.