GALATIA 3-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Nga' nokoidu' toko' nod Kristus do mantad id popol di Tourat diri. Om ralan nopo dau do minongidu'ddi nga' pinologos dau o tinan dau do nousung do suminowoli dati'. Tu' nokotulis no dot id suang do Buuk do Kinorohingan o poingkaa, “Nousung no o tulun di patayon do pogiison dot id kayu,” ka.

Om aiso' noddi o pisuayan do tulun do Yohudi om i tulun dot okon ko' Yohudi, om aiso' o pisuayan di turipon om it okon ko' turipon, om aiso' o pisuayan do kusai om tondu'. Kopogiiso' ngai' kou noddi tu' nokoiso' kou no dot id Kristus Yesus.

Ondung Kristus o sanganu dokoyu, om sinakagon kou no kopio di Abraham. Om aanu nondo dokoyu i pinabatos do Kinorohingan diri.

Om winonsoi pogi' di Kristus o miagal diri nga' papatahak po iyau di barakat di nakabatos do Kinorohingan dot id di Abraham dot id tulun dit okon ko' Yohudi. Om iri noddi o kaanu-anu toko' iyati', it otumbayaan do Kinorohingan, di Rusod di pinabatos do Kinorohingan diri.

Iso' pod tulun nga' aiso' i' o nokoulud dot id Kinorohingan do tumanud di Tourat o ralan do minulud. Nokotuduk nori dot id suang do Buuk do Kinorohingan, “Iri no tulun dit otumbayaan do Kinorohingan do gisom do koulud kawagu iyau dot id Kinorohingan ot apasi!” ka.