Romanos 5-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Ko ndo Dio juakoi̱na ndo ixi tsango tjuai̱na ndo; maski chondana ijie̱, xruanꞌan ndo ndo Cristo kuenxin ndo ixi jai̱na.

Ko ti jian stechonꞌenna nduaxin tsi̱i̱ ixi ndo Dio tsango tjaunna ndo ko tsichjai̱na ndo Espíritue ndo.

Ko jeꞌa jeꞌo meꞌe. Kaxon juaxruxin tsinteena maski tangi stena ngataꞌa nunte ntiꞌi ixi noi̱na kain juachjaon meꞌe, ícha nchesoji aséei̱na. Ko ti soji tsintee aséei̱na, meꞌe jaña jian tsatsingana kain ngeꞌe tangi ixi stechonꞌenna naa ngeꞌe jian tsi̱i̱.

Koméꞌe kain jíei̱na ixi chuntiana ndo Cristo ko chao stena ngajin ndo Dio ixi Ncháina Jesucristo kuenxin ndo ixi jai̱na. Ixi juasie Ncháina Cristo Jesús, chao tonchjiñeꞌena ngajin ndo Dio ixi chuntiana ndo ko jeꞌe ndo tjaunna ndo ko méxin jaña ícha chuntiana. Ko juaxruxin stena ixi stechonꞌenna tsayéꞌena juachaxin ijié chónda ndo.

Ko jai̱na chondana ijie̱, ko juaꞌi jai̱ona sincheméꞌena ijie̱ meꞌe. Ndo Cristo kuenꞌen ndo ixi kain chujni chónda jie̱, kuenꞌen ndo nchakon ndachro ndo Dio kondeexin ijie̱ chónda kain chujni.

Méxin, ndo Dio juincheméꞌe ndo jíei̱na ixi ndo Cristo kuenxin ndo ixi jai̱na. Jai ó noi̱na ixi jeꞌe ndo chjai̱na ndo juachaxin tsechónna kain nchakon ko jeꞌa tangi tsatsingana nchakon tsjexin kain ngeꞌe.

Ixi naakua naa ngisen kuitikaonꞌa, ndo Adán juincheꞌe meꞌe, méxin kueya chujni kuama na̱ ijie̱. Jaña jai, kaxon naakua naa ngisen jian kuitikaon, meꞌe ndo Cristo, ko ixi jeꞌe ndo tsoméxin jíei̱na.

Ko jeꞌa jeꞌo jiꞌi. Kaxon ndo Dio chjai̱na ndo juaxruxin ixi chao tonchjiñeꞌena ngajin ndo ixi juasie Ncháina Jesucristo.