Luka 10-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Managi gīkī a bing'we naang'winhile būdūla bo kūpanda nūūlū nzoka na nghomi, nū būdūla bo ng'wanishi kūbūpyena ū bose; na shitīho shikolo shose-shose sha kūng'wītīla mayanga.

Nanghwe ū Seeba ūnshokeja ūng'wīla, “Malita, Malita, otagambaga na milīmo mingī no, nose ozwangana. Alīyo gūlīho gūmò dūhū ūyo gwigeleelilwe; ū ngabo ūyo wagūsolaga Malia gūlī gwawiza, atūdūla kwīngījiwa na hado yaya!”

Ūnshokeja ūhaya, “Ntogagwe ū Seeba Mulungu wako na ngholó yako yose, na būpanga wako bose na nguzu jako jose, na maganiko gako gose; nū nzenganwa ng'wiyo gīt'ūmo witogelilwe bebe ng'wenekīlī.”

Ūbawīla gīkī, “Ū nīmo gw'igesa gūlī ntaale no, alīyo a batūmami bagehu; nombagi ū Seeba atūme batūmami ū kū nīmo gokwe.

Ūlībona ginehe a ha gatī ya banhū a badatū benabo, alī ginehe ūyo akabiza nzenganwa ng'wiye ū munhū ūyo olī onyang'wa na banyoli?” Ūng'wīla, “Ūyo akang'wītīla ya koolecha shigongo.” Nanghwe ū Yesu ūng'wīla, “Jaga ūkīīte gīko nangho!”

Ali lūūlū, jagi; kwike managi gīkī nalīmutūma gītī baana ba ngholo kūja kwigulanya na mapūge!