1 Петер 3-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Юреклеригизде Месигьге Раббигизге йимик абур этигиз. Сизин Аллагьгъа байлавлу умутугъузну себебин ким сорамагъа сюе буса да, огъар жавап бермеге гьар заман гьазир туругъуз. Шо жавапны сиз саламат кюйде ва гьюрмет булан беригиз. Сизин мысгъыллайгъанда, Месигь учунгъу яхшы турушугъуз юрюшюгюзню хорлайгъанлар уялсын учун, намусугъузну таза сакълагъыз.

Неге тюгюл де, Раббибиз муъминлеге тергев бере ва оланы дуаларын эшите, амма яманлыкъ этегенлеге О арт бере.

Сизин гёзеллигигиз гьайран эшилген чачларыгъыз, тагъынагъан алтынларыгъыз, гиеген арив опуракъларыгъыз йимик тыш затлар булан байлавлу тюгюл, амма сёнмейген гёзеллик, йымышакъ къылыкъ, саламатлыкъ йимик ич, юрекден гелеген затлар булан байлавлу гёзеллик болсун. Шолай гёзеллик Аллагьны ягъындан да къыйматлана.

Сыйлы Язывларда язылгъаны йимик: Ким насипли яшамагъа ва яхшы гюнлени гёрмеге сюе буса, тилин яманлыкъдан ва авзун ялгъандан сакъласын. О яманлыкъдан ари турмагъа ва яхшылыкъ этмеге герек, парахатлыкъ ахтармагъа ва шогъар етишмек учун къаст этмеге герек.

Ахырда да, барыгъыз да къыйышып яшап къалыгъыз, бир биригизни гёнгюгюзню алыгъыз, бир биригизни къардашлар йимик сююгюз, языкъсыныгъыз ва саламат болугъуз. Яманлыкъ этегенге яманлыкъ булан, сёгюшегенге сёгюшмек булан жавап бермегиз. Терсине, сизге яманлыкъ этеген адамгъа яхшылыкъ болсун деп Аллагьгъа тилегиз. Сизин чи Аллагь сизге яхшылыкъ гёрсетмек учун сайлады.

Эгер сиз, яхшылыкъ этмеге сююп, бек къаст этсегиз, сизге ким зарал этмеге болур?

О яманлыкъдан ари турмагъа ва яхшылыкъ этмеге герек, парахатлыкъ ахтармагъа ва шогъар етишмек учун къаст этмеге герек.

Эгер Аллагь шолай буюргъан буса, яманлыкъ этип азап чекмекден эсе, яхшылыкъ этип азап чекмек яхшыдыр.