Juan 1-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Amna sira o minrawat sia kano nanganohed sia am tinorohan na sa so anohed a mayvadiw a kamanganakan no Dios.

Manam so kayan no inamaog am mian dana a machasa do Dios o tawagan aya so Chirin as iya am Dios a mismo.

Iya o sehdang aya a romial do kasarisarian as homisen ava no kasarisarian o sehdang aya.

As no tawagan aya so Chirin am naytawo as kapachipanghovok na diaten as kavoya namen sia o kayan sia no grasia kano kakawyoran. As navoya namen pa o makakniknin a kaparin na a asa ka Manganak no Dios.

as yamot sia am inamaog o atavo, as an abo sia am arava o inamaog. Iya o pakayapoan no viay as an sino o torohan na so viay am kasehdangan.

Do omonot danawri araw do nakavoya sia ni Juan si Jesus a mangay sia am vinata ni Juan, “Niaya o Dekey a Karnero no Dios a mapakaro so gatos no mondo aya.

Mawara sia do tana aya a nia so inamaog na amna sinincharan dava sia no tawotawo. Nangay do mismo na a kavahayan amna chinakey dava rawaten.

As no somnivog aya a sehdang am nawara dana do tana aya a mapasehdang so tawotawo.

Di Moises am nawri o narawat ta o panyokoyokoran kano onotan ta sa pero di Jesu Cristo am nawri o narawat ta o grasia as kano kakawyoran a komapet do Dios.