Proveps-Knare Nomaniza 29-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Vahe'mofoma koroma huntesanana, kagra'a krifu anaginentane. Hianagi iza'o Ra Anumzamofonte'ma amentintima hanimofona, agu'vazinkeno knare huno manigahie.

Ra Anumzamo'ma henkama fore'ma haniazanku'ma, eri ama huno kasnampa kema ozamasmisige'za, vahe'mo'za savri hu'za magoke kantera omanigosaze. Hianagi iza'o kasegema amage'ma antesimo'a, muse hugahie.

Neginagi vahe'mo'za zamarimpa he'zana azerirava nosazanagi, ama' antahizane vahe'mo'za, zamarimpa ahe'zana azerirava nehaze.

Mofavrema kanoma amino azeri fatgoma huzamo'a, ana mofavrea ama' antahiza amigahie. Hianagi kanoma amino azeri fatgo osu mofavremo'a, nererana agaze eri nemie.

Mofavreka'a avumro antenka, azeri fatgoma hanankeno knare avu'avama hanigenka, karimpa fru nehina muse hugahane.

Zamavufga eri antesga hu vahe'mo'za evuramigahaze. Hianagi zamavufgama anteramiza mani vahe'mo'za, ra zamagi erigahaze.

Arimpama ahe vahemo ha'ma hu'zana eri agafa nehie. Hagi ame huno rimpa ahe vahe'mo'a, rama'a kumi nehie.

Zamagesa ontahi ame'ama kema nehaza vahera nezamagano? E'i ana vahera neginagi zamavu'zamava'ma nehaza vahe'mo'za zmaza huzama erisaza kamo'a zmagetere'ne.