Jemisi 1-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Nenafugta knazampima ufresutma, muse zane hutma tamagesa antahiho. Na'ankure tamagra antahi'naze, tamentintima reramaheno ke'zamo'a, knazampima oti hankavetineno, knazama kazigazi huno erino vu'za erifore nehie.

Hianagi iza'o knare antahintahigu'ma atupama hanuno'a, Anumzamofo antahigenkeno amino, maka vahe'mo'za nunamu hu'za Agri'ma antahigazamokizmia, rimpa heozmante amne nezmiankino, amne tamigahie.

Knare nafuheta, ama kea antahi so'e hiho, mika'motma ame hutma kea antahigahazanagi, akoheta kea nehinkeno tamarimpa oheno.

Hagi maka kna tamagra oti hanavetita, knazana erita nevinkeno, ana tamavutmavazamo'a hanavetino nevina, Anumzamofo avu'avama huzampina, atupara osnageno, fatgo huno knare hugahie.

Amnea Anumzamofo Ke'agera ontahio, kagraka'a regavatga hugahananki, ana nanekemoma hania kante antenka amage anto.

Rehe'za ne-esigeno kazigazi huno agatereno vania vahe'mo'a asomu'ma erisiana, kini fetori eriankna huno manivava asimura erigahie. Anumzamo agri avesinentaza vahe ko huhampri zamante'nea, asimu erigahie.

Mika knare huno fatgo hu'nea, musezana anagamuti eneramie, monafinkati masazamofo Nefantegati ne-e, avu'azama'amo zahe osuno turinamo hiankna huno zaza huteno, atupa huteno osugahie.

Mago'mo'ma kema nentahino, ana kema amage'ontesiana, agra kapopi avugosa keteno, atreno nevuno anama agra avugosa ke'neana, ame huno age'neknia kna nehie.

Agru huno fatgo monoku'ma Anumza Nafatimofona ave'nesiana, e'i megusa mofavre'zgane, kento a'ne zga knazampima mani'nesazana kegva hunezmanteta, atrenkeno ama mopafi kefozamo'a tamazeri pehena osino.

Mago zamo'ma avazu hanigeno rehezampima ufresuno'a, kefo avu'avazanteti Anumzamo'a renahenoke huno huonteno, na'ankure Agra mago vahera havi avu'avatetira reheno onkegahie. Hu'neanagi mago magomofona agri'a kefo avesi'zamo, avazu huno rehezampina avarenente.

Mago'mo amunte omne'nenigeno, Anumzamofo amage nentenimo'a muse hino, Anumzamofo avurera ra agi erine.