If you would like a copy of this version please contact info@davarpartners.org

Urhobo Old Testament

<div class="version vid2616 iso6393urh" data-vid="2616" data-iso6393="urh">
 <div class="book bkZEC">
 <div class="chapter ch14" data-usfm="ZEC.14">
 <div class="label">14</div><div class="s1">Jerusal&#7865;m Kugbe &#7864;gborho na</div><div class="p"> 1Gbe nighe, &#7865;d&#7865; r&#7865; &#7884;rovwohwo cha re, ra cha vw&#7885; ghare emu ra ghw&#7865; mie ovwan vw&#7865; ohri r&#7865; ovwan. 2Kidie Me cha ghw&#7865; &#7865;gborho na ejobi koko vwo phi Jerusal&#7865;m ka rey&#7885; orere na ka ghw&#7865; ekuakua r&#7865; uwevwi na rey&#7885; ke gbe eya na &#7865;gua ab&#7885;vo re orere na ko kpo imu, y&#7865; &#7865;k&#7865;vu&#7885;vo e gbi si otu re ihwo ri chek&#7885; n&#7865; orere na-a. 3Etiyin re &#7884;rovwohwo k&#7885; yan phia vw&#7885; so &#7865;gborho yena kirobo r&#7885; h&#7885;nre vwe &#7865;d&#7865; r&#7865; ofovwi na 4Vw&#7865; &#7865;d&#7865; yena aw&#7885; r&#7885;ye ki che mudia enu r&#7865; Ugbenu r&#7865; Oliv r&#7885; h&#7865; obaro &#7885;nre vwi Jerusal&#7865;m; Ugbenu r&#7865; Oliv k&#7885; cha b&#7865;re &#7865;b&#7865;re iv&#7865; n&#7865; obaro &#7885;nre re duvwu obuko &#7885;nre ko vwo iyara rode na, eriyin re ab&#7885;vo r&#7865; Ugbenu na ko bi kpo ob&#7885;hw&#7865;re &#7885;nre, &#7865;bere riv&#7865; k&#7865; ob&#7885;rhe &#7885;nre. 5Iyara r&#7865; igbenu M&#7865; ki gbe, kidie iyara r&#7865; igbenu ki te akak&#7885; r&#7885;ye, wa cha dj&#7865; kirobo r&#7865; ovwan dj&#7865;re vw&#7865; &#7885;ke re ot&#7885; vwo kpogho vw&#7865; &#7885;ke r&#7865; Uzzaya vw&#7885; he ovie ri Juda. Etiyin &#7884;rovwohwo &#7884;gh&#7865;n&#7865; k&#7885; cha rhe, otu efuanfon na ejobi ki tue nene rhe.</div><div class="p"> 6Vw&#7865; &#7865;d&#7865; yena ekpahe v&#7865; imicho gbe dia-a. 7&#7884;ke rha fob&#7885; she-e, &#7884;rovwohwo ri&#7865;nre &#7885; dia uvo-o, &#7885; je dia aso-on kidie urhukp&#7865; cha dia vw&#7865; &#7885;ke r&#7865; ovw&#7885;nvw&#7885;n.</div><div class="p"> 8Ame ra arh&#7885; cha dj&#7865; n&#7865; Jerusal&#7865;m rhe vw&#7865; ed&#7865; yena, ubr&#7885;vo rayen da dj&#7865; kpo urhie r&#7885; he obaro &#7885;nre ubr&#7885;vo rayen da dj&#7865; kpo urhie r&#7865; obuko &#7885;nre, &#7885; cha dj&#7865; vw&#7865; &#7885;kiuvo ker&#7865; &#7885;ke ohwahwa.</div><div class="p"> 9&#7884;rovwohwo k&#7885; dia ovie r&#7865; akp&#7885; na ejobi, vw&#7865; &#7865;d&#7865; yena &#7884;rovwohwo k&#7885; dia &#7885;vo od&#7865; r&#7885;ye k&#7885; dia &#7885;vo.</div><div class="p"> 10Ot&#7885; na ejobi ko che shaton n&#7865; &#7884;rha re te Rimm&#7885;n vw&#7865; ob&#7885;rhe &#7885;nre vwi Jerusal&#7865;m. &#7864;k&#7865;vu&#7885;vo Jerusal&#7865;m ko che kpenu vw&#7865; &#7865;dia r&#7885;ye n&#7865; Unurhoro re B&#7865;njamin re te asan r&#7865; unurhoro r&#7865; awanre na epha, re te Unurhoro r&#7865; Akako, n&#7865; oh&#7865;rh&#7865; ri Hananel re te ok&#7885; re de mie wain r&#7865; ovie. 11Ka cha dia, kidie ekan gbe cha dia &#7885;fa-a; Jerusal&#7865;m cha dia vw&#7865; ofuvwegbe.</div><div class="p"> 12&#7884;nana emiavwe r&#7865; &#7884;rovwohwo che vwo hwe ihwo re vw&#7865; ofovwi so Jerusal&#7865;m oma rayen che gbo y&#7865; ayen vw&#7865; aw&#7885; rayen mudia, &#7865;ro rayen che gbo phih&#7885; evun &#7865;revwe rayen ji gbo vwe unu rayen. 13Vw&#7865; &#7865;d&#7865; yena anegbe rode ko n&#7865; ob&#7885; re &#7884;rovwohwo rhe rhi she teye ayen, aye ohwohwo ke y&#7885;nr&#7885;n ohwohwo ob&#7885;, aye ohwohwo ke cha h&#7885;nr&#7885; ohwo. 14Juda dede cha h&#7885;re Jerusal&#7865;m. Ka cha ghw&#7865; efe r&#7865; &#7865;gborho re yari&#7865; r&#7865; phih&#7885; na ejobi koko, iro, id&#7885;n&#7885; efuanfon, v&#7865; emwa buebu. 15Emiavwe ker&#7865; emiavwe ti&#7885;nana ko mu iyesi, irhue, kam&#7865;l, ek&#7865;t&#7865;k&#7865;t&#7865;, kugbe eranvwe ke eranvwe re h&#7865; erh&#7885;n yena.</div><div class="p"> 16Eriyin na ohwo kohwo r&#7885; rh&#7885;re vw&#7865; &#7865;gborho re vw&#7885; so Jerusal&#7865;m ejobi me yanran kukpe kukpe ra ga Ovie na, &#7884;rovwohwo r&#7865; otuofovwi na, &#7885; me re or&#7865; r&#7865; egarivi na.</div><div class="p"> 17&#7884; da dian&#7865; ikru r&#7865; akp&#7885; rha yanran kpo Jerusal&#7865;m ra ga Ovie, &#7884;rovwohwo r&#7865; otuofovwi na-a, osio gbe rh&#7885; k&#7865; aye-en. 18&#7884; da je dian&#7865; ekru r&#7865; Ijipt gbe yanran ra vw&#7865; oma rayen n&#7865;-&#7865;, emiavwe r&#7865; &#7884;rovwohwo vwo mu &#7865;gborho ri je or&#7865; r&#7865; egarivi na era ko ji mu ayen. 19&#7884;nana k&#7885; dia ehwe r&#7865; Ijipt v&#7865; ehwe r&#7865; &#7865;gborho na ejobi ri je or&#7865; r&#7865; egarivi na &#7865;ra.</div><div class="p"> 20Vw&#7865; &#7865;d&#7865; yena ke che si phih&#7885; igogo r&#7865; iyesi na n&#7865;, &#7884;fuanfon ke &#7884;rovwohwo. &#7864;ch&#7865; r&#7865; uwevwi r&#7865; &#7884;rovwohwo ke h&#7885;h&#7885; idjokpo re h&#7865; obaro r&#7865; agbada na; 21och&#7865; koch&#7865; ri Jerusal&#7865;m v&#7865; Juda cha dia fuanfon k&#7865; &#7884;rovwohwo r&#7865; otuofovwi na, rere ihwo re cha g&#7885; iye ejobi vw&#7885; rey&#7885; ayen vwo chere emu re iye. &#7884;neki gbe rha dia vw&#7865; uwevwi r&#7865; &#7884;rovwohwo r&#7865; otuofovwi na vw&#7865; &#7865;d&#7865; yena &#7885;fa-a.</div>
 </div>
 </div>
</div>

Bible in Urhobo © United Bible Societies, 1977.

Gbe nighe, ẹdẹ rẹ Ọrovwohwo cha re, ra cha vwọ ghare emu ra ghwẹ mie ovwan vwẹ ohri rẹ ovwan. Kidie Me cha ghwẹ ẹgborho na ejobi koko vwo phi Jerusalẹm ka reyọ orere na ka ghwẹ ekuakua rẹ uwevwi na reyọ ke gbe eya na ẹgua abọvo re orere na ko kpo imu, yẹ ẹkẹvuọvo e gbi si otu re ihwo ri chekọ nẹ orere na-a. Etiyin re Ọrovwohwo kọ yan phia vwọ so ẹgborho yena kirobo rọ họnre vwe ẹdẹ rẹ ofovwi na Vwẹ ẹdẹ yena awọ rọye ki che mudia enu rẹ Ugbenu rẹ Oliv rọ hẹ obaro ọnre vwi Jerusalẹm; Ugbenu rẹ Oliv kọ cha bẹre ẹbẹre ivẹ nẹ obaro ọnre re duvwu obuko ọnre ko vwo iyara rode na, eriyin re abọvo rẹ Ugbenu na ko bi kpo obọhwẹre ọnre, ẹbere rivẹ kẹ obọrhe ọnre. Iyara rẹ igbenu Mẹ ki gbe, kidie iyara rẹ igbenu ki te akakọ rọye, wa cha djẹ kirobo rẹ ovwan djẹre vwẹ ọke re otọ vwo kpogho vwẹ ọke rẹ Uzzaya vwọ he ovie ri Juda. Etiyin Ọrovwohwo Ọghẹnẹ kọ cha rhe, otu efuanfon na ejobi ki tue nene rhe.
Vwẹ ẹdẹ yena ekpahe vẹ imicho gbe dia-a. Ọke rha fobọ she-e, Ọrovwohwo riẹnre ọ dia uvo-o, ọ je dia aso-on kidie urhukpẹ cha dia vwẹ ọke rẹ ovwọnvwọn.
Ame ra arhọ cha djẹ nẹ Jerusalẹm rhe vwẹ edẹ yena, ubrọvo rayen da djẹ kpo urhie rọ he obaro ọnre ubrọvo rayen da djẹ kpo urhie rẹ obuko ọnre, ọ cha djẹ vwẹ ọkiuvo kerẹ ọke ohwahwa.
Ọrovwohwo kọ dia ovie rẹ akpọ na ejobi, vwẹ ẹdẹ yena Ọrovwohwo kọ dia ọvo odẹ rọye kọ dia ọvo.
Otọ na ejobi ko che shaton nẹ Ọrha re te Rimmọn vwẹ obọrhe ọnre vwi Jerusalẹm. Ẹkẹvuọvo Jerusalẹm ko che kpenu vwẹ ẹdia rọye nẹ Unurhoro re Bẹnjamin re te asan rẹ unurhoro rẹ awanre na epha, re te Unurhoro rẹ Akako, nẹ ohẹrhẹ ri Hananel re te okọ re de mie wain rẹ ovie. Ka cha dia, kidie ekan gbe cha dia ọfa-a; Jerusalẹm cha dia vwẹ ofuvwegbe.
Ọnana emiavwe rẹ Ọrovwohwo che vwo hwe ihwo re vwẹ ofovwi so Jerusalẹm oma rayen che gbo yẹ ayen vwẹ awọ rayen mudia, ẹro rayen che gbo phihọ evun ẹrevwe rayen ji gbo vwe unu rayen. Vwẹ ẹdẹ yena anegbe rode ko nẹ obọ re Ọrovwohwo rhe rhi she teye ayen, aye ohwohwo ke yọnrọn ohwohwo obọ, aye ohwohwo ke cha họnrọ ohwo. Juda dede cha họre Jerusalẹm. Ka cha ghwẹ efe rẹ ẹgborho re yariẹ rẹ phihọ na ejobi koko, iro, idọnọ efuanfon, vẹ emwa buebu. Emiavwe kerẹ emiavwe tiọnana ko mu iyesi, irhue, kamẹl, ekẹtẹkẹtẹ, kugbe eranvwe ke eranvwe re hẹ erhọn yena.
Eriyin na ohwo kohwo rọ rhọre vwẹ ẹgborho re vwọ so Jerusalẹm ejobi me yanran kukpe kukpe ra ga Ovie na, Ọrovwohwo rẹ otuofovwi na, ọ me re orẹ rẹ egarivi na.
Ọ da dianẹ ikru rẹ akpọ rha yanran kpo Jerusalẹm ra ga Ovie, Ọrovwohwo rẹ otuofovwi na-a, osio gbe rhọ kẹ aye-en. Ọ da je dianẹ ekru rẹ Ijipt gbe yanran ra vwẹ oma rayen nẹ-ẹ, emiavwe rẹ Ọrovwohwo vwo mu ẹgborho ri je orẹ rẹ egarivi na era ko ji mu ayen. Ọnana kọ dia ehwe rẹ Ijipt vẹ ehwe rẹ ẹgborho na ejobi ri je orẹ rẹ egarivi na ẹra.
Vwẹ ẹdẹ yena ke che si phihọ igogo rẹ iyesi na nẹ, Ọfuanfon ke Ọrovwohwo. Ẹchẹ rẹ uwevwi rẹ Ọrovwohwo ke họhọ idjokpo re hẹ obaro rẹ agbada na; ochẹ kochẹ ri Jerusalẹm vẹ Juda cha dia fuanfon kẹ Ọrovwohwo rẹ otuofovwi na, rere ihwo re cha gọ iye ejobi vwọ reyọ ayen vwo chere emu re iye. Ọneki gbe rha dia vwẹ uwevwi rẹ Ọrovwohwo rẹ otuofovwi na vwẹ ẹdẹ yena ọfa-a.

കേൾക്കുക Zekaraya 14