најголемата одлука во твојот живот!Примерок

"„На сите ни треба спасител“

Кога Бог ги создал Адам и Ева, Тој ги создал без грев и во совршена врска со Самиот себе. Кога тие одбија да ја почитуваат Божјата заповед во третото поглавје од Битие, тие внесоа грев во нивните животи, како и во целото човештво. Римјаните 3:23 го опишува далекусежното влијание на Адам и Ева.

„...зашто сите згрешија и никој не успеа да ги достигне Божјите возвишени стандарди.“ Римјаните 3:23

Никој не е ослободен од гревот и неговиот ефект; секој од нас е виновен. Како резултат, сите ние сме одделни од Бога. Нашиот грев исто така создава вечни последици.

„Зашто платата за гревот е смрт...“ Римјаните 6:23а

Поради одлуката на Адам и Ева да не го слушаат Бога, смртта стана неизбежна за нив и за сите нивни потомци (човечки род); и физички и духовно. После нивниот неуспех, Бог се соочи со одлуката: да се дозволи гревот да управува со човештвото, што би резултирало во истребување на човечката раса или да обезбеди средство за спасување на човештвото од гревот. За среќа, како крајно изразување на Неговата љубов и милост, Бог обезбедил средство за спасение преку својот Син.

„Зашто Бог толку го возљуби светот, што Го даде Својот Единороден Син, та секој, кој верува во Него, да не загине, туку да има вечен живот.“ Јован 3:16

„...подарокот што го дава Бог преку вера во нашиот Господ Исус Христос е вечен живот.“ Римјаните 6:23

Без Исус Христос, судбината на човештвото е физичка и духовна смрт, без исклучок. Но, за оние од нас кои се во Христа, иако пред нас има физичка смрт, не умираме духовно (пекол). Наместо тоа, откако ја оставаме оваа земја, во рајот нè чека вечен живот. Преку совршената жртва на Исус Христос и Неговото воскресение од мртвите, ние ја избегнуваме духовната казна за гревот!"