најголемата одлука во твојот живот!Примерок

"„Бог те создал имајќи ја вечноста на ум“

Кога Бог нè создаде, планираше нашите животи да траат многу подолго од 70 или 80 години. Тој има специфична цел за секој од нашите животи. Неговиот план се протега и на нашиот земен живот, но исто така и на нашиот небесен (или вечен) живот. Јаков 4:14 ја опишува разликата помеѓу овие два аспекта на нашето постоење. Вели,

„Што е вашиот живот? Вие сте пареа, која се јавува за миг, и потоа исчезнува.“ Јаков 4:14

Сигурно ја имаш слушнато изреката: „Животот е краток“. Во светло на вечноста, навистина е! Библијата вели:

„...и како што им е на луѓето определено да умрат еднаш, а потоа доаѓа пресудата...“ Евреите 9:27

Сите сме подложени на физичка смрт. Но, физичката смрт е само прекинување на нашето физичко тело, но не и на нашата душа. Нашата душа или нашето свесно постоење што живее во нашето тело е вечна. Нашата душа ќе ја помине целата вечност на едно од двете места, по нашата физичка смрт: во рајот или во пеколот.

Небесата е вечен рај каде што живее Бог.

Пеколот е целосно раздвојување од Бога.

Нашето природно раѓање на овој свет не беше само почеток на нашиот привремен, физички живот на земјата, туку и на нашиот духовен живот овде и низ целата вечност. Значи, во светлината на вечноста, некои можеби го гледаат нашиот земен живот како бесмислен, но тоа едноставно не е точно. Твојата вечна судбина е всушност одредена со одлуките што ги донесуваш за време на твоето време овде на земјата; и најважно од сè е одлуката да го избереш Исус Христос за Господар на твојот живот. Спасението е достапно за сите нас преку Исус Христос, и само преку Него можеме да ја промениме нашата судбина од минување на вечноста одвоена од Бога до минување на вечноста заедно со Бог во рајот. Исус рече:

„Јас сум Патот, Вис­тината и Животот; никој не доаѓа кај Отецот, освен преку Мене.“ Јован 14:6

Одлуките што ги донесуваме во нашите земни животи се важни и од други причини. Начинот на кој живееме како верници може да влијае на вечната судбина на оние кои сè уште не го познаваат Исус Христос како свој Спасител. Секој ден, луѓето околу нас го гледаат нашиот пример на живеење за Христа. Како христијани, Бог го користи секој од нас за да ги доближи до рајот оние околу нас кои сè уште не го познаваат. Исус рече:

„Вие сте светлината на светот. Така нека свети вашата светлина пред луѓето, за да ги видат вашите добри дела и да Го прослават вашиот Татко, Кој е во небесата.“ Матеј 5:14-16"