Започнување на врска со ИсусПримерок

„Кој е Бог?“

Разбирањето на неколку главни нешта за Бог ќе ти помогне кога ќе почнеш да го следиш. Ајде да зборуваме за четири од Божјите особини:

Бог е вечен

Бог го користи секој можен збор за да се опише себеси како надвор од времето: вечен, засекогаш, беше, е и ќе дојде. Бог е вечен. Вечноста не значи многу, многу долго време. Тоа е нешто „безвременско“. Тоа значи „надвор од димензијата на времето“.

Бог е во меѓусебен однос

Библијата на многу места учи дека Бог постои како три лица, заедно во совршено единство. Ова се вика Тројство. Наместо да биде соло фигура, Бог на Библијата е Бог Отецот, Бог Синот (Исус Христос), и Бог Светиот Дух. Тие се три различни личности, но тие живеат и делуваат во совршено единство.

Бог е совршен

Бог нема недостаток и никогаш нема потреба од подобрување. Тој нема недостатоци во карактерот, чистотата, знаењето, моќта или способноста. Особено за разлика од нас, Бог е совршено морален. Библијата вели: „Бог е светлина; во Него воопшто нема мрак“ (1 Јован 1:5).

Бог е „сѐ“

Бог е сеприсутен, Тој е семоќен, и Тој е сезнаен. Овие зборови значат (редоследно) дека Бог е „насекаде“, дека Тој ја има „сета моќ“ и дека Тој „знае сѐ.“ Тој е способен да биде насекаде истовремено, Тој е моќен над сите нешта, и Тој ги знае сите работи.

Зошто сето ова е важно?

Разбирањето на Божјата бесконечност ми дава надеж. Знаејќи дека Тој е во меѓусебен однос значи дека и јас можам да разговарам со Него. Знаењето дека Бог е совршен значи дека дури и кога не го разбирам, можам да му верувам. И знаењето дека Тој е сѐ значи дека Тој ја држи власта, дека Тој не нè оставил сами, и дека сето зло ќе биде поразено.

Значи, кој е Бог? Тој е Оној Кој те создаде, Тој е Оној Кој те сака повеќе отколку што можеш да замислиш, и Тој е Оној Кој го даде Својот Син Исус Христос да умре, за да може да има вечен меѓусебен однос со тебе.

Богопознанието го менува нашето гледиште за луѓето - почнуваме да ги гледаме како вечни души, а не како привремени тела.

Богопознанието ни помага да се соочиме со тешкотите на поинаков начин. Богопознанието значи дека никогаш не треба да мислиме дека животот е вон контрола. Богопознанието нѐ зацврстува давајќи ни понизност и цел. Богопознанието му дава смисла на животот.