Започнување на врска со ИсусПримерок

„Прашања“

Луѓето кои се надарени во уметноста на создавањето и одржувањето на врски се честопати луѓе кои ги поставуваат некои од најдобрите прашања. Но Бог е експерт во оваа област.

Погледнете ги некои од Божјите најсуштински прашања:

Каде си? (Битие 3:8-9)

Уште на почетокот на Библијата, Бог го покажа овој аспект на Неговиот карактер преку Неговиот меѓусебен однос со Адам и Ева - доверлив, отворен, секојдневен однос.

Во Битие 3, читаме за Адам и Ева кои избираат да се одвратат од Бог и да живеат одделно од Него. Кога нивниот однос бил нарушен, Бог ги барал Адам и Ева. Тој не дојде да ги казни или да ги посрами, туку да го обнови односот.

Кога ќе почувствуваш дека Бог се вклучува во твојот живот, и ти, исто така, си личност која Тој ја бара, за да можеш да го познаваш и да живееш во меѓусебен однос со Него.

Што сакаш? (Јован 1:35-39)

Во Јован 1, го гледаме Исус како на некои љубопитни луѓе им поставува прашање слично на Божјото. Тој ги прашал: „Што сакаш?“ (Јован 1:38).

Овие луѓе го избегнале прашањето и менувајќи ја темата го прашале Исус: „Каде престојуваш?“ Наместо да им даде вистинска адреса, Тој им одговори: „Дојди ... и види“ (Јован 1:39). Наместо да даде одговор, Тој дава покана.

Честопати, многумина од нас му велат на Бог: „Сакам нешто од тебе“, а Бог ни вели: „Сакам да бидам со тебе.“

Што велите вие, Кој Сум Јас? (Матеј 16:13-15)

Тука започнува христијанството. Твојот одговор на ова прашање е почетокот, затоа што со тоа објаснуваш што мислиш за Исус. За среќа, она што Исус го кажува за Себе е запишано во Библијата, вклучувајќи ги стиховите: Јован 10:36, Јован 11:25, Јован 10:11 и Јован 8:58.

Ова се само некои од изјавите на Исус - како Тој би одговорил на прашањето за Неговиот идентитет. Но Исус не застанува тука; Тој го прави прашањето уште полично.

Веруваш ли во ова? (Јован 11:25-26)

Исус секогаш ги прави нештата лични. Тој им рече на Своите ученици: „Но, што е со вас, што велите вие Кој Сум Јас?“ А на Марта во Јован 11:25-26 ѝ рече, „Дали ти веруваш во тоа?“

Исус и нам ни ги поставува овие прашања, и самото одговарање на овие прашања е дел од тоа што значи да се биде во меѓусебен однос со Бог, да се најде Бог и да се најде вистината. А пронаоѓањето на вистината започнува со Исус Христос.