SALMOS 114

114

1Kate' bžojgak benne' Israel ka' ḻo yežlyó Egipto,

bžojgak ẕa'só Jakob ḻo yežlyó chegak benne' zi'to' ka'

2na' gokgak ẕa'só Judá ka to yo'o gan ẕbez Dios,

na' gokgak benne' Israel ka' gan ẕnna bi'e.

3Bḻe'el Nisdo' X̱na da' ni, na' bẕonnjen,

na' wdé x̱kože'l yegw Jordán.

4Wx̱íte'gak ya'a ẕen ka' kan žx̱íte'gak chib ka',

na' wx̱íte'gak ya'ado' ka' kan žx̱íte'gak chibdo' ka'.

5¿Biẕ gok chio', nisdon', dan' bẕonnjo'?

¿Biẕ gok chio', yegw Jordán, dan' wdío' x̱kože'l?

6Ḻe'e, ya'a ẕen ka', ¿biẕ chen' wx̱íte'le ka žx̱íte'gak chib ka'?

Ḻe'e, ya'ado' ka', ¿biẕ chen' wx̱íte'le kan žx̱íte'gak chibdo' ka'?

7Žẕo' yežlyó ḻaw X̱anžo Dios, ḻaw Dios na' che Jakob.

8Dios na'kze bene' ga beyák yej x̱en' to bej nis,

na' bene' ga beyák yej to gan žaḻ nis.

Селектирано:

SALMOS 114: zty

Нагласи

Копирај

Спореди

Сподели

Дали сакаш да ги зачуваш Нагласувањата на сите твои уреди? Пријави се или најави се

Популарни Библиски стихови од
SALMOS 114