Luka 6
6
Yesu ye nina aSabato
(Mat 12:1-8; Mar 2:23-28)
1Lwire luuma lwa Sabato, Yesu abaa atsuka mu maxwa ma ngano. Abemitsa bewe batangira ihulula bikumba bya ngano, bapfungapfungabyo mwa minwe sabo, babanelya asambeke#6:1 Mwa kihuo kye Isiraeli, amundu anairaa aketsuka mwixwa ali apfire nchala, abaa anapfuna kwa myaka yoieriremo nelya kuyo. Areira batyo, bwabaa bute bwitsi. Soma Muubuko 23:26..
2 Bafarisayo bauma babutsabo mbu: «Esi! Kubwishi bwaki amukola kyo kitalirene ikolwa mu lwire lwa Sabato?»
3Yesu nianaxubitsabo mbu: «Mbeni mutatangire mwa soma kyo mwami Ndauti akolaa mwa mango, iye na bandu babaa ali nabo ni bakukwitse? 4Mbeni ataingiraa mwa nyumba ya Ongo#6:4 Nyumba ya Ongo: Mwa kianiro kya mwami Ndauti, ahekalu yabaa itatsayahimbwa mwa mulungu we Yerusalemu., nianatsimba mikati ya bandu babaa bametula Ongo. Mbeni atalyaayo, neha babaa ali kuuma nabo? Naho aMuomba wetu ni abwire ko abakungu ba hekalu bonabeneho ni bonalirene ilya ku mikati iri ngeyo#6:4 Soma 1Samwere 21:2-7; Balawi 24:9. .» 5Yesu nianabwirabo kandi mbu: «Ingye Muala wa Mundu, ngye Nina aSabato.»
Yesu alamya mundu wa makonongola
(Mat 12:9-14; Mar 3:1-6)
6Lundi lwire lwa Sabato, Yesu nianaingira mwa sinakoki, nianaiisa abandu. Nomo mwabaa mulume muuma wa makonongola mwa minwe ya malyo. 7Abeisa ba Muomba na Bafarisayo babaa bamuteire amesha, kwelola tikuno akalamya amulume uyo mu lwire lwa Sabato. Baira batyo kwebula mbu baate kinwa kyo kyangatuma bamusongera. 8Wetuwe Yesu ni echi amianikire yabo. Nianabwira amulume wa makonongola mwa minwe mbu: «Batuka, imana hakatikati ka bandu.» Amulume uyo, nianabatuka neimana hakatikati ka bandu. 9Tsene, Yesu nianabwirabo mbu: «Anibabutsa, kihe kya Muomba wetu abwire mbu kilirene ikolwa mwa lwire lwa Sabato? Mbeni ikola kibuya neri ikola kibi? Ilamya mundu neri imwita?» 10Yesu nianasindera aboshi, nianabwira amundu uyo mbu: «Lambula aminwe yawe.» Nianalambula aminwe iwe, iba nelama. 11Wetuwe abeisa ba Muombabo na Bafarisayo niabanatsibuka kutsibu. Niabanatangira ibutsabutsanya ko bangaira Yesu.
Yesu alondola ndumwa ikumi ne biri
(Mat 10:1-4; Mar 3:13-19)
12Mo biromo, Yesu nianauruka kwa kitwa kweya ihema Ongo. Bukya ni ahema. 13Bwabere bwamekya, Yesu nianabirangira abemitsa bewe, alondola mubo mo ikumi na babiri, alukabo mbu ndumwa: 14Simoni yo Yesu atolaa aretsina mbu ye Petero, ne Andereya mualabo, Yakobo, ne Yohana, ne Firipo, ne Baritolomayo, 15ne Matayo, ne Tomasi, ne Yakobo muala wa Alufayo, ne Simoni wa mwa kikanga kya abaselote#6:15 Abaselote: babaa kikanga kya Baisiraeli, kyo kyabaa kinalwa kwetengya akihuo kyabo mwa bupfubulwa bwa Baroma., 16ne Yuta muala wa Yakobo, ne Yuta Isikariyote yahotaa Yesu.
Yesu aiisa abandu ne lamya abakoni
(Mat 4:23-25)
17Yesu nianakima ampfuli kuuma na bemitsa bewe. Abere ahika mwa kibotebote, nianaimana. Ashinganamo mubuanano munene wa bemitsa bewe, na mubuanano munene kutsibu wa bandu abatoka mwa kyango kye Yuteya na mwa mulungu we Yerusalemu, na kwa munda wa milungu ye Tiro, ne Sitona, kwa musike wa ngetsi. 18Abandu abo bahikaa kweumpfiritsa Yesu na kwelamibwa amakoni mabo. Na bobabaa baundirwe na bixwatsi, nabo, Yesu nianalamyabo. 19Abandu boshe babaa ni abaxonda ipfula ku Yesu, kubwishi mwiye ni amutoka maala, nao ni amalamya aboshe.
Ngashani na lutuki
(Mat 5:1-12)
20Yesu nianasindera abemitsa bewe, abwirabo mbu:
Muashanirwe mwe bachene
kureba abwami bwa Ongo bwenyu.
21Muashanirwe mwe mukukwitse tsene,
kubwishi mwendewuuta.
Muashanirwe, mwe mulira tsene,
kureba mwendesheka.
22Muashanirwe, imwe, mwa mango abandu aba babaa neicha kwimwe, nebakamba, nebatera
kubwishi bwa Muala wa Mundu.
23Mwa mango abinwa ibyo byenderebahikira, muneremoa neshaaluka, kureba Ongo ababikirire luhembo lunene mu mbingu. Batyo ko aboshekulitsa babobabaa bananubya abatahwa#6:23 Soma 2Bianiro 36:16; Mikolere 7:52..
24Wetuwe mulyae mwe baxoki, kureba mwaotwere chirwa mikocho yenyu.
25Mulyae mwe muuutire tsene, kureba mwendekukutsa;
Mulyae mwe musheka tsene, kureba mwendeba mu kiriro netoya mixonya.
26Mulyae imwe, mwa kashangi abandu boshe ababahalilitsa,
kureba batyo kwa Boshekulitsa babobabaa banahalilitsa abatahwa babesi.
Muneretsiira abalenda benyu
(Mat 5:38-48; 7:12)
27Yesu nianaxuba ibula mbu: «Wetuwe, mwe munihulikya anibabwira mbu: ‹Muneretsiira abalenda benyu, ni mwa kolera bibuya bo bababaire. 28Bo babatukanga, munerehema Ongo aashanirebo. Na bo babanubya munerehemerabo Ongo. 29Amundu akekubanda luhyu kwe tema, ni wamubindulira alindi tema. Na mundu akekunyaa arekoti rawe, ni wamulika aheke na shimishi. 30Mundu woshewoshe yakuhema kindu, ni wamuhakyo. Na yakunyaa abindu byawe, ni utibule mbu akufulukitsebyo.›» 31Kya muxonda mbu abandu babakolere, nemwe ni kyomwakolerabo.
32«Mukeneretsiiraho bo babatsiire, ni muwete simeki? Ni hatali. Banabe na bakotsi ba santsambi banatsiira bo batsiirebo. 33Ni mungaba mukerekolera kibuya bo babakolera bibuya, ni muli na simeki? Ni hatali. Na bakotsi ba santsambi banakolerana batyo. 34Kandi, mukeneresombyaho bo mwichi ku bangabapfuha, ni muli na simeki? Na bakotsi ba santsambi banerekunesombyanya ni bainihire ipfuhwa biwabo.
35«Wetuwe, imwe, muneretsiira abalenda benyu, nekolerabo bibuya. Ni mweresombyabo, butsira iba neene repfuhwa. Batyo, mwendehabwa luhembo lunene, mwendeba bana ba Ongo Nina-mu-mbingu. Kureba, iye, anakolera bibuya bo batasima na bakotsi ba bibi. 36Munerepfirana boncho ngakuno ko ixo wenyu anabapfirabo.»
Ni mutiereayira abandi bandu yo busha
(Mat 7:1-5)
37Yesu nianaxubebula mbu: «Ni mutierechira abandu yo lubancha, nemwe ni yo muterechirwalo. Ni mutierepfumaula abandi bandu, nemwe niyo mutenderepfumaulwa. Mutereancha abibi bya balikyenyu, nemwe niyo mutiendereanchirwabyo. 38Munerehana, nemwe niyo mukenderehabwa. Na kyo mukenderehabwa kyo kyendelengwa kushe, netsindairwa, nehirianyibwa neuchutsa asashaho senyu neshesheka. Ko munerelengera abandi bandu, nemwe ko mwenderelengerwa.»
39Yesu ninaxubechirabo aundi mushinga uyu mbu: «Mbeni, akihumahumi kyangakocha iendya kindi kihumahumi? Ihi! Kikekola kityo, abibiri ni bikatoera mu kiribu. 40Amwia atangalengya amwiisa uwe. Wetuwe kintsi mwia yashaotola iiisibwa kushe, ni endeba ngakuno amwiisa uwe.
41«Kubwishi bwaki aulola kwa kati ko kali mwa lisha ra munyakyenyu, wetuwe, ni utalaire kwa ngingi ya muti yoiri mwa lisha rawe? 42Wangakochote ibwira munyakyenyu mbu: ‹Munyakyetu, nilike nitengye akati ko kali mwa lisha rawe›, naho ni utalaire kwa ngingi ya muti yo iri mwa lisha rawe? Shetulimi tubiri iwe! Tangawatengya kasa angingi ya muti yoiri mwa lisha rawe, niyo wangakochetengya akati ko kali mwa lisha ra munyakyenyu.»
Kintsi muti aneremenyerwa kwa bipfuma byao
(Mat 7:24-27; 12:33-35)
43Yesu nianabula kandi mbu: «Hatali muti akwirire wangahetako bipfuma bibi, neri muti mubi wangahetako bipfuma bikwirire. 44Kintsi muti anamenyerwa kwa bipfuma byao. Abandu batahanula bipfuma bya tini neri bipfuma bya musabibu ku muti wa mahwa. 45Batyoho, amundu mubuya anereneena binwa bibuya ni atengyabyo mwa mwete uwe. Na mundu mubi naye, anereneena binwa bibi byobiuchwire mwa mwete uwe. Kubwishi, abunu bwa mundu bunereneena byo biuchwire mwa mwete uwe.»
Mushinga wa manyumba mabiri
(Mat 7:24-27)
46Yesu nianabula kandi mbu: «Kubwishi bwaki amwereniluka mbu: ‹Ninakuwetu, Ninakuwetu›, ni mutamukola byo ni babwira? 47Nga babwerekya kwa mundu ya niimitsa, nehulikya abinwa byani, nekola nga ko bineenire ashushire: 48Ashushire mundu ya himbaa nyumba. Nianatima kasa kutsibu nehika kwa lukanga. Na kwa lukanga uko, ko ahiraa amusingi wahimbaako anyumba. Kwabere kwamewa mpfula ya kiti, alwichi luuchula, na ngukutsi iibanda kwa nyumba uko. Wetuwe, anyumba iyo itakunuka, kureba yabaa ni isimikire. 49Wetuwe, ula yaumpfa abinwa byani butsira ikola nga ko bineenire, ashushire mundu yahimbaa nyumba yiwe kwa mutaka butsira musingi. Alwichi lwabere lwameuchula, angukutsi niainaibanda kwa nyumba uko. Mu kashalimo, niainakunuka, neshambukala ayoshe.»
Селектирано:
Luka 6: HKE
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@2025 GROUPE D'ASSOCIATIONS POUR LA PROMOTION DES LANGUES, CULTURE ET DEVELOPPEMENT INTEGRAL "GAPLCDI"
Luka 6
6
Yesu ye nina aSabato
(Mat 12:1-8; Mar 2:23-28)
1Lwire luuma lwa Sabato, Yesu abaa atsuka mu maxwa ma ngano. Abemitsa bewe batangira ihulula bikumba bya ngano, bapfungapfungabyo mwa minwe sabo, babanelya asambeke#6:1 Mwa kihuo kye Isiraeli, amundu anairaa aketsuka mwixwa ali apfire nchala, abaa anapfuna kwa myaka yoieriremo nelya kuyo. Areira batyo, bwabaa bute bwitsi. Soma Muubuko 23:26..
2 Bafarisayo bauma babutsabo mbu: «Esi! Kubwishi bwaki amukola kyo kitalirene ikolwa mu lwire lwa Sabato?»
3Yesu nianaxubitsabo mbu: «Mbeni mutatangire mwa soma kyo mwami Ndauti akolaa mwa mango, iye na bandu babaa ali nabo ni bakukwitse? 4Mbeni ataingiraa mwa nyumba ya Ongo#6:4 Nyumba ya Ongo: Mwa kianiro kya mwami Ndauti, ahekalu yabaa itatsayahimbwa mwa mulungu we Yerusalemu., nianatsimba mikati ya bandu babaa bametula Ongo. Mbeni atalyaayo, neha babaa ali kuuma nabo? Naho aMuomba wetu ni abwire ko abakungu ba hekalu bonabeneho ni bonalirene ilya ku mikati iri ngeyo#6:4 Soma 1Samwere 21:2-7; Balawi 24:9. .» 5Yesu nianabwirabo kandi mbu: «Ingye Muala wa Mundu, ngye Nina aSabato.»
Yesu alamya mundu wa makonongola
(Mat 12:9-14; Mar 3:1-6)
6Lundi lwire lwa Sabato, Yesu nianaingira mwa sinakoki, nianaiisa abandu. Nomo mwabaa mulume muuma wa makonongola mwa minwe ya malyo. 7Abeisa ba Muomba na Bafarisayo babaa bamuteire amesha, kwelola tikuno akalamya amulume uyo mu lwire lwa Sabato. Baira batyo kwebula mbu baate kinwa kyo kyangatuma bamusongera. 8Wetuwe Yesu ni echi amianikire yabo. Nianabwira amulume wa makonongola mwa minwe mbu: «Batuka, imana hakatikati ka bandu.» Amulume uyo, nianabatuka neimana hakatikati ka bandu. 9Tsene, Yesu nianabwirabo mbu: «Anibabutsa, kihe kya Muomba wetu abwire mbu kilirene ikolwa mwa lwire lwa Sabato? Mbeni ikola kibuya neri ikola kibi? Ilamya mundu neri imwita?» 10Yesu nianasindera aboshi, nianabwira amundu uyo mbu: «Lambula aminwe yawe.» Nianalambula aminwe iwe, iba nelama. 11Wetuwe abeisa ba Muombabo na Bafarisayo niabanatsibuka kutsibu. Niabanatangira ibutsabutsanya ko bangaira Yesu.
Yesu alondola ndumwa ikumi ne biri
(Mat 10:1-4; Mar 3:13-19)
12Mo biromo, Yesu nianauruka kwa kitwa kweya ihema Ongo. Bukya ni ahema. 13Bwabere bwamekya, Yesu nianabirangira abemitsa bewe, alondola mubo mo ikumi na babiri, alukabo mbu ndumwa: 14Simoni yo Yesu atolaa aretsina mbu ye Petero, ne Andereya mualabo, Yakobo, ne Yohana, ne Firipo, ne Baritolomayo, 15ne Matayo, ne Tomasi, ne Yakobo muala wa Alufayo, ne Simoni wa mwa kikanga kya abaselote#6:15 Abaselote: babaa kikanga kya Baisiraeli, kyo kyabaa kinalwa kwetengya akihuo kyabo mwa bupfubulwa bwa Baroma., 16ne Yuta muala wa Yakobo, ne Yuta Isikariyote yahotaa Yesu.
Yesu aiisa abandu ne lamya abakoni
(Mat 4:23-25)
17Yesu nianakima ampfuli kuuma na bemitsa bewe. Abere ahika mwa kibotebote, nianaimana. Ashinganamo mubuanano munene wa bemitsa bewe, na mubuanano munene kutsibu wa bandu abatoka mwa kyango kye Yuteya na mwa mulungu we Yerusalemu, na kwa munda wa milungu ye Tiro, ne Sitona, kwa musike wa ngetsi. 18Abandu abo bahikaa kweumpfiritsa Yesu na kwelamibwa amakoni mabo. Na bobabaa baundirwe na bixwatsi, nabo, Yesu nianalamyabo. 19Abandu boshe babaa ni abaxonda ipfula ku Yesu, kubwishi mwiye ni amutoka maala, nao ni amalamya aboshe.
Ngashani na lutuki
(Mat 5:1-12)
20Yesu nianasindera abemitsa bewe, abwirabo mbu:
Muashanirwe mwe bachene
kureba abwami bwa Ongo bwenyu.
21Muashanirwe mwe mukukwitse tsene,
kubwishi mwendewuuta.
Muashanirwe, mwe mulira tsene,
kureba mwendesheka.
22Muashanirwe, imwe, mwa mango abandu aba babaa neicha kwimwe, nebakamba, nebatera
kubwishi bwa Muala wa Mundu.
23Mwa mango abinwa ibyo byenderebahikira, muneremoa neshaaluka, kureba Ongo ababikirire luhembo lunene mu mbingu. Batyo ko aboshekulitsa babobabaa bananubya abatahwa#6:23 Soma 2Bianiro 36:16; Mikolere 7:52..
24Wetuwe mulyae mwe baxoki, kureba mwaotwere chirwa mikocho yenyu.
25Mulyae mwe muuutire tsene, kureba mwendekukutsa;
Mulyae mwe musheka tsene, kureba mwendeba mu kiriro netoya mixonya.
26Mulyae imwe, mwa kashangi abandu boshe ababahalilitsa,
kureba batyo kwa Boshekulitsa babobabaa banahalilitsa abatahwa babesi.
Muneretsiira abalenda benyu
(Mat 5:38-48; 7:12)
27Yesu nianaxuba ibula mbu: «Wetuwe, mwe munihulikya anibabwira mbu: ‹Muneretsiira abalenda benyu, ni mwa kolera bibuya bo bababaire. 28Bo babatukanga, munerehema Ongo aashanirebo. Na bo babanubya munerehemerabo Ongo. 29Amundu akekubanda luhyu kwe tema, ni wamubindulira alindi tema. Na mundu akekunyaa arekoti rawe, ni wamulika aheke na shimishi. 30Mundu woshewoshe yakuhema kindu, ni wamuhakyo. Na yakunyaa abindu byawe, ni utibule mbu akufulukitsebyo.›» 31Kya muxonda mbu abandu babakolere, nemwe ni kyomwakolerabo.
32«Mukeneretsiiraho bo babatsiire, ni muwete simeki? Ni hatali. Banabe na bakotsi ba santsambi banatsiira bo batsiirebo. 33Ni mungaba mukerekolera kibuya bo babakolera bibuya, ni muli na simeki? Ni hatali. Na bakotsi ba santsambi banakolerana batyo. 34Kandi, mukeneresombyaho bo mwichi ku bangabapfuha, ni muli na simeki? Na bakotsi ba santsambi banerekunesombyanya ni bainihire ipfuhwa biwabo.
35«Wetuwe, imwe, muneretsiira abalenda benyu, nekolerabo bibuya. Ni mweresombyabo, butsira iba neene repfuhwa. Batyo, mwendehabwa luhembo lunene, mwendeba bana ba Ongo Nina-mu-mbingu. Kureba, iye, anakolera bibuya bo batasima na bakotsi ba bibi. 36Munerepfirana boncho ngakuno ko ixo wenyu anabapfirabo.»
Ni mutiereayira abandi bandu yo busha
(Mat 7:1-5)
37Yesu nianaxubebula mbu: «Ni mutierechira abandu yo lubancha, nemwe ni yo muterechirwalo. Ni mutierepfumaula abandi bandu, nemwe niyo mutenderepfumaulwa. Mutereancha abibi bya balikyenyu, nemwe niyo mutiendereanchirwabyo. 38Munerehana, nemwe niyo mukenderehabwa. Na kyo mukenderehabwa kyo kyendelengwa kushe, netsindairwa, nehirianyibwa neuchutsa asashaho senyu neshesheka. Ko munerelengera abandi bandu, nemwe ko mwenderelengerwa.»
39Yesu ninaxubechirabo aundi mushinga uyu mbu: «Mbeni, akihumahumi kyangakocha iendya kindi kihumahumi? Ihi! Kikekola kityo, abibiri ni bikatoera mu kiribu. 40Amwia atangalengya amwiisa uwe. Wetuwe kintsi mwia yashaotola iiisibwa kushe, ni endeba ngakuno amwiisa uwe.
41«Kubwishi bwaki aulola kwa kati ko kali mwa lisha ra munyakyenyu, wetuwe, ni utalaire kwa ngingi ya muti yoiri mwa lisha rawe? 42Wangakochote ibwira munyakyenyu mbu: ‹Munyakyetu, nilike nitengye akati ko kali mwa lisha rawe›, naho ni utalaire kwa ngingi ya muti yo iri mwa lisha rawe? Shetulimi tubiri iwe! Tangawatengya kasa angingi ya muti yoiri mwa lisha rawe, niyo wangakochetengya akati ko kali mwa lisha ra munyakyenyu.»
Kintsi muti aneremenyerwa kwa bipfuma byao
(Mat 7:24-27; 12:33-35)
43Yesu nianabula kandi mbu: «Hatali muti akwirire wangahetako bipfuma bibi, neri muti mubi wangahetako bipfuma bikwirire. 44Kintsi muti anamenyerwa kwa bipfuma byao. Abandu batahanula bipfuma bya tini neri bipfuma bya musabibu ku muti wa mahwa. 45Batyoho, amundu mubuya anereneena binwa bibuya ni atengyabyo mwa mwete uwe. Na mundu mubi naye, anereneena binwa bibi byobiuchwire mwa mwete uwe. Kubwishi, abunu bwa mundu bunereneena byo biuchwire mwa mwete uwe.»
Mushinga wa manyumba mabiri
(Mat 7:24-27)
46Yesu nianabula kandi mbu: «Kubwishi bwaki amwereniluka mbu: ‹Ninakuwetu, Ninakuwetu›, ni mutamukola byo ni babwira? 47Nga babwerekya kwa mundu ya niimitsa, nehulikya abinwa byani, nekola nga ko bineenire ashushire: 48Ashushire mundu ya himbaa nyumba. Nianatima kasa kutsibu nehika kwa lukanga. Na kwa lukanga uko, ko ahiraa amusingi wahimbaako anyumba. Kwabere kwamewa mpfula ya kiti, alwichi luuchula, na ngukutsi iibanda kwa nyumba uko. Wetuwe, anyumba iyo itakunuka, kureba yabaa ni isimikire. 49Wetuwe, ula yaumpfa abinwa byani butsira ikola nga ko bineenire, ashushire mundu yahimbaa nyumba yiwe kwa mutaka butsira musingi. Alwichi lwabere lwameuchula, angukutsi niainaibanda kwa nyumba uko. Mu kashalimo, niainakunuka, neshambukala ayoshe.»
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@2025 GROUPE D'ASSOCIATIONS POUR LA PROMOTION DES LANGUES, CULTURE ET DEVELOPPEMENT INTEGRAL "GAPLCDI"