Luka 5
5
Yesu alondola abemitsa bewe baxondotsi
(Mat 4:18-22; Mar 1:16-20)
1Lwire luuma, Yesu abaa aimene kwa musike wa ngetsi ye Ngenesareti#5:1 Ngetsi ye Ngenesareti: inalukwa kandi ngetsi ye Ngalilaya.. Na bandu bangi bamutsungulako na imupfundeeresta kwexonda ihulikya akinwa kya Ongo. 2Nianaxunga ku mato mabiri kwa musike wa ngetsi, abahyana ni bametenga muo kweyaxua amakira mabo. 3Nianaurukira mu bwato buuma ku mo mabaa aho. Abwato ubo bwabaa bwa Simoni. Nianabwira Simoni mbu asheetsebo mwa ngetsi, hale hake na musike. Nianaikala mwa bwato ubo, atangira iyisa amubuanano wa bandu.
4Yesu abere amechikitsa iyisa abandu, nianabwira Simoni mbu: «Sheetsa abwato mwa mundubi, muume amakira menyu mwa mechi nge mwahyana fi.» 5Simoni nianamuxubitsa mbu: «Oho, Mwiyisa! Twamehyana akiro kyoshe, wetuwe tutaitire kiro na kati! Kubwishi bwa kinwa kyawe, naxubeumamo amakira.» 6Naho, niabanaumamo amakira mabo, baba neita kikanda kinene kya fi. Na makira mabo matangira ihutukanga. 7Kubwishi bwekyo, niabanasimira balikyabo bobabaa mwa bundi bwato mbu bahike baasikyebo. Balikyabo babere bahika, bauchutsa amato mabiri mo fi, nao mahika mu kashangi kexonda itsika.
8Simoni Petero abere axunga ikyo, nianapfukama mwa mbere sa Yesu. Abula mbu: «Ninakuwetu, ipfunde hale nani, kureba niri mundu wa ntsambi!» 9Byabaa bityo kubwishi Simoni na balikyabo boshe ni bameshishalira abungi bwa safi sobabaa bameita.
10Na baala ba Sebetayo, Yakobo ne Yohana, babaa banahyana kuuma ne Simoni. Nabo niabanashishala. Wetuwe, Yesu nianabwira Simoni mbu: «Utaubahaa! Ihuluka tsene, ukaba muhyana wa bandu.» 11Inyuma kwaho, baxubesiika amato kwa musike wa ngetsi. Niabanasiya abyoshe nekulikira Yesu.
Yesu alamya mubentsi
(Mat 8:1-4; Mar 1:40-45)
12Lwire luuma, Yesu abaa ali mu mulungu muuma wa mwa kyango kye Ngalilaya. Niakunapfumbuka mundu muuma auchwire bibentsi kwa mubiri woshe. Amubentsi uyo, abere axunga ku Yesu, nianapfukama mwa mbere siwe, ahikya abusu hashi. Ni y'aitondoola kwiye, mbu: «Ninakuwetu, uli ushashire, wanganikomya.» 13Yesu nianalambula aminwe, amupfulako, abula mbu: «Nishashire, komibwa!» Na mwa kashangi umo ho abibentsi ibyo bilama. 14Yesu nianamuteeka mbu: «Utalindaa wapfulirao mundu woshewoshe. Wetuwe, enda, shauibwerekye kasa kwa mukungu wa hekalu ya Ongo. Kandi, ubeneleta mutulo nga ko Musa aandikaa, kwebwerekyabo ku wamekoma#5:14 Amundu akelamibwa bibentsi, abaa anaya iibwerekya kwa bakungu kwamelama. Abaa anairatyo kwebula mbu aikiritsibwe kweikala kuuma na bandi bandu. Soma Balawi 13:45, 46; 14:1-32. .»
15Wetuwe, angulu ya Yesu niainashanchabana kutsibu mwa bandu. Na mibuanano mingi ya bandu yerebuanana kwemuhulikya na kwelamibwa amakoni mabo. 16Wetuwe, Yesu abaa anaya handu hangaba yewene, kwehema Ongo.
Yesu alamya mukoni wa makonongola
(Mat 9:1-8; Mar 2:1-12)
17Lwire luuma, Yesu abaa aiisa abandu. aBafarisayo na beisa ba Muomba bauma babaa baikere aho. Aboshe abobabaa beretenga mwa mitsi yoshe ya kyango kye Ngalilaya na kye Yuteya na mwa mulungu we Yerusalemu. Yesu abaa erelamya amakoni mwa maala ma Ninakuwetu Ongo.
18Kuhika bandu bauma ni bahete mundu wa makonongola ku mundara. Niabanaxonda ko bangamwingitsa mwa nyumba nemutereka mwa mbere sa Yesu. 19Wetuwe, bahusha ho bangamwingitsira kubwishi bwa bungi bwa bandu. Kubwishi bwekyo, niabanauruka hambashiro wa nyumba iyo. Niabanatengya kwa matebura#5:19 Bayahuti bauma babaa banahimba batya: ni banalambika miti iraluulu wa nyumba ngakuno kishesha, noko ni kwe batondeka amatebura nga bishakalo. Na kwa nyumba ni kunaba muurukiro. , babanemukimitsa mwa kati ka bandu mwa mbere sa Yesu, ni anali kwa mundara uwe. 20Yesu abere axunga abwimire bwa bandu abo, nianabwira amundu wa makonongola uyo mbu: «Mwirani, asantsambi sawe sameshashirwa!» 21Abeisa ba Muomba na Bafarisayo batangira iibutsiritsa mbu: «Munduki uyu, yakamba Ongo? Hate mundu yangashashira asantsambi, ali ate Ongo yewene!»
22Kubwishi Yesu abaa echi amianikire yabo, nianabutsabo mbu: «Kubwishi bwaki amuanikira mutyo mwa myete yenyu? 23Kihe kyo kinwa kyolo kwebwira mundu mbu: ‹Asantsambi sawe sameshashirwa›, neri imubwira mbu: ‹Batuka, ube neenda?›»
24«Tsene, anixonda mbu mumenye ku ngye Muala wa Mundu, niri na maala meshashira asantsambi kwa kihuo kuno.» Niyo Yesu abwira amundu wa makonongola mbu: «Ingye, ngyenineena mbu, batuka, heka mundara wawe ube nefuluka hamwawe.» 25Na mwa kashangi umo amundu uyo, nianabatuka mwa mbere sa bandu boshe. Nianakukuma amundara wabaa aonchireko, afuluka hamwe niasingya Ongo.
26Abandu boshe bashishala kutsibu babanetsimbwa na buba. Basingya Ongo mbu: «Munolwire twamexunga ku bishishalo!»
Yesu abwira Lawi mbu amukulikire
(Mat 9:9-13; Mar 2:13-17)
27Inyuma kwaho, Yesu nianahuluka mwa nyumba umo. Nianaxunga muhoresi muuma wa koli mbu ye Lawi#5:27 Lawi neri Matayo. Soma Matayo 9:9. . Lawi uyo, abaa aikere hanahoresera akoli. Yesu nianamubwira mbu: «Unikulikire!» 28Lawi nianabatuka, nianasia abyoshe, abanekulikira Yesu.
29Inyuma kwaho, Lawi nianakolera Yesu yo linye linene mwa nyumba iwe. Mwa nyumba umo, mwabaa bahoresi#5:29 Kwa mira, aBayahuti babaa banatsimba abahoresi ba koli tikuno bahoti, kubwishi babaa banahoresa akoli kwa Bayahuti banyakyabo kwehayo aBaroma bo babaa bateekire akihuo kyabo. bangi ba koli hauma na bandi bandu bobabaa abalya kuuma nabo. 30aBafarisayo na beisa babo ba Muomba babere baxunga batyo, batangira ibutsabutsanya nebwira abemitsa ba Yesu mbu: «Kubwishi bwaki amulya nexoma kuuma na bahoresi ba koli na bakotsi ba santsambi?» 31Yesu nianabwirabo mbu: «Abakambwe batalaa ku mushake, wetuwe, abakoni bo banamulaako. 32Ndahikaa ibirangira bo batunganene mwa mbere sa Ongo. Wetuwe abakotsi ba santsambi kwebula mbu bahingye amiberere yabo.»
Yesu asimola kuluenda amahemo na areihangira ilya
(Mat 9:14-15; Mar 2:18-20)
33 aBafarisayo abo niabanabwira Yesu mbu: «Abemitsa ba Yohana na betu banaihangira ilya ngendo nyingi, bali abahema. Wetuwe abemitsa bawe, ibo, abalya nexoma.» 34Yesu nianabwirabo mbu: «Mbeni amuanikira mbu mwangahangira ilya bo balalikirwe mwa buheruki mwa mango nina abuheruki akinali hauma nabo? Ihi! 35Wetuwe kwendehika biro, nina abuheruki endetengibwa mwa kati kabo. Kubatyo, mo biromo mo bakendeihangira ilya bali abahema.»
36Yesu nianaxubechirabo amushinga uyu, mbu: «Hate mundu yangacha kiraka ku lukimba luhya kwelandirakyo ku lukimba lukulire. Yangakolatyo angaba ni ameberenga alukimba luhya, na kiraka kyosakitokako ni kitikitsimbane na lukimba lukulire. 37Na kandi, hate mundu yangahira tifai nyihya mu shaho ya luhu lukulire#5:37 shaho ya luhu lukulire: Sabaa shaho sikolirwe mu nyuhu sa mbene. aBayahuti babaa banahoera atifai mu shaho nyihya sikolirwe mu nyuhu. Kureba ni sitangabereka mwa kashangi atifai aitaka. Ni banaira batyo kubwishi asashaho siri sikulire, ni nyolonyolo, ni singabereka chuba . Amundu akeiratyo, ni akatuma tifai nyihya iberenga asashaho ito, atifai ni yapfa busha na sa shaho ni sabiha. 38Wetuwe, atifai nyihya inahirwa mu shaho nyihya. 39Hate na mundu yameotola ixoma ku tifai ya kwa mira yanatsiira tifai nyihya. Kubwishi ni abula mbu: ‹Atifai ya kwa mira yo ilokire kutsibu.›»
Селектирано:
Luka 5: HKE
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@2025 GROUPE D'ASSOCIATIONS POUR LA PROMOTION DES LANGUES, CULTURE ET DEVELOPPEMENT INTEGRAL "GAPLCDI"
Luka 5
5
Yesu alondola abemitsa bewe baxondotsi
(Mat 4:18-22; Mar 1:16-20)
1Lwire luuma, Yesu abaa aimene kwa musike wa ngetsi ye Ngenesareti#5:1 Ngetsi ye Ngenesareti: inalukwa kandi ngetsi ye Ngalilaya.. Na bandu bangi bamutsungulako na imupfundeeresta kwexonda ihulikya akinwa kya Ongo. 2Nianaxunga ku mato mabiri kwa musike wa ngetsi, abahyana ni bametenga muo kweyaxua amakira mabo. 3Nianaurukira mu bwato buuma ku mo mabaa aho. Abwato ubo bwabaa bwa Simoni. Nianabwira Simoni mbu asheetsebo mwa ngetsi, hale hake na musike. Nianaikala mwa bwato ubo, atangira iyisa amubuanano wa bandu.
4Yesu abere amechikitsa iyisa abandu, nianabwira Simoni mbu: «Sheetsa abwato mwa mundubi, muume amakira menyu mwa mechi nge mwahyana fi.» 5Simoni nianamuxubitsa mbu: «Oho, Mwiyisa! Twamehyana akiro kyoshe, wetuwe tutaitire kiro na kati! Kubwishi bwa kinwa kyawe, naxubeumamo amakira.» 6Naho, niabanaumamo amakira mabo, baba neita kikanda kinene kya fi. Na makira mabo matangira ihutukanga. 7Kubwishi bwekyo, niabanasimira balikyabo bobabaa mwa bundi bwato mbu bahike baasikyebo. Balikyabo babere bahika, bauchutsa amato mabiri mo fi, nao mahika mu kashangi kexonda itsika.
8Simoni Petero abere axunga ikyo, nianapfukama mwa mbere sa Yesu. Abula mbu: «Ninakuwetu, ipfunde hale nani, kureba niri mundu wa ntsambi!» 9Byabaa bityo kubwishi Simoni na balikyabo boshe ni bameshishalira abungi bwa safi sobabaa bameita.
10Na baala ba Sebetayo, Yakobo ne Yohana, babaa banahyana kuuma ne Simoni. Nabo niabanashishala. Wetuwe, Yesu nianabwira Simoni mbu: «Utaubahaa! Ihuluka tsene, ukaba muhyana wa bandu.» 11Inyuma kwaho, baxubesiika amato kwa musike wa ngetsi. Niabanasiya abyoshe nekulikira Yesu.
Yesu alamya mubentsi
(Mat 8:1-4; Mar 1:40-45)
12Lwire luuma, Yesu abaa ali mu mulungu muuma wa mwa kyango kye Ngalilaya. Niakunapfumbuka mundu muuma auchwire bibentsi kwa mubiri woshe. Amubentsi uyo, abere axunga ku Yesu, nianapfukama mwa mbere siwe, ahikya abusu hashi. Ni y'aitondoola kwiye, mbu: «Ninakuwetu, uli ushashire, wanganikomya.» 13Yesu nianalambula aminwe, amupfulako, abula mbu: «Nishashire, komibwa!» Na mwa kashangi umo ho abibentsi ibyo bilama. 14Yesu nianamuteeka mbu: «Utalindaa wapfulirao mundu woshewoshe. Wetuwe, enda, shauibwerekye kasa kwa mukungu wa hekalu ya Ongo. Kandi, ubeneleta mutulo nga ko Musa aandikaa, kwebwerekyabo ku wamekoma#5:14 Amundu akelamibwa bibentsi, abaa anaya iibwerekya kwa bakungu kwamelama. Abaa anairatyo kwebula mbu aikiritsibwe kweikala kuuma na bandi bandu. Soma Balawi 13:45, 46; 14:1-32. .»
15Wetuwe, angulu ya Yesu niainashanchabana kutsibu mwa bandu. Na mibuanano mingi ya bandu yerebuanana kwemuhulikya na kwelamibwa amakoni mabo. 16Wetuwe, Yesu abaa anaya handu hangaba yewene, kwehema Ongo.
Yesu alamya mukoni wa makonongola
(Mat 9:1-8; Mar 2:1-12)
17Lwire luuma, Yesu abaa aiisa abandu. aBafarisayo na beisa ba Muomba bauma babaa baikere aho. Aboshe abobabaa beretenga mwa mitsi yoshe ya kyango kye Ngalilaya na kye Yuteya na mwa mulungu we Yerusalemu. Yesu abaa erelamya amakoni mwa maala ma Ninakuwetu Ongo.
18Kuhika bandu bauma ni bahete mundu wa makonongola ku mundara. Niabanaxonda ko bangamwingitsa mwa nyumba nemutereka mwa mbere sa Yesu. 19Wetuwe, bahusha ho bangamwingitsira kubwishi bwa bungi bwa bandu. Kubwishi bwekyo, niabanauruka hambashiro wa nyumba iyo. Niabanatengya kwa matebura#5:19 Bayahuti bauma babaa banahimba batya: ni banalambika miti iraluulu wa nyumba ngakuno kishesha, noko ni kwe batondeka amatebura nga bishakalo. Na kwa nyumba ni kunaba muurukiro. , babanemukimitsa mwa kati ka bandu mwa mbere sa Yesu, ni anali kwa mundara uwe. 20Yesu abere axunga abwimire bwa bandu abo, nianabwira amundu wa makonongola uyo mbu: «Mwirani, asantsambi sawe sameshashirwa!» 21Abeisa ba Muomba na Bafarisayo batangira iibutsiritsa mbu: «Munduki uyu, yakamba Ongo? Hate mundu yangashashira asantsambi, ali ate Ongo yewene!»
22Kubwishi Yesu abaa echi amianikire yabo, nianabutsabo mbu: «Kubwishi bwaki amuanikira mutyo mwa myete yenyu? 23Kihe kyo kinwa kyolo kwebwira mundu mbu: ‹Asantsambi sawe sameshashirwa›, neri imubwira mbu: ‹Batuka, ube neenda?›»
24«Tsene, anixonda mbu mumenye ku ngye Muala wa Mundu, niri na maala meshashira asantsambi kwa kihuo kuno.» Niyo Yesu abwira amundu wa makonongola mbu: «Ingye, ngyenineena mbu, batuka, heka mundara wawe ube nefuluka hamwawe.» 25Na mwa kashangi umo amundu uyo, nianabatuka mwa mbere sa bandu boshe. Nianakukuma amundara wabaa aonchireko, afuluka hamwe niasingya Ongo.
26Abandu boshe bashishala kutsibu babanetsimbwa na buba. Basingya Ongo mbu: «Munolwire twamexunga ku bishishalo!»
Yesu abwira Lawi mbu amukulikire
(Mat 9:9-13; Mar 2:13-17)
27Inyuma kwaho, Yesu nianahuluka mwa nyumba umo. Nianaxunga muhoresi muuma wa koli mbu ye Lawi#5:27 Lawi neri Matayo. Soma Matayo 9:9. . Lawi uyo, abaa aikere hanahoresera akoli. Yesu nianamubwira mbu: «Unikulikire!» 28Lawi nianabatuka, nianasia abyoshe, abanekulikira Yesu.
29Inyuma kwaho, Lawi nianakolera Yesu yo linye linene mwa nyumba iwe. Mwa nyumba umo, mwabaa bahoresi#5:29 Kwa mira, aBayahuti babaa banatsimba abahoresi ba koli tikuno bahoti, kubwishi babaa banahoresa akoli kwa Bayahuti banyakyabo kwehayo aBaroma bo babaa bateekire akihuo kyabo. bangi ba koli hauma na bandi bandu bobabaa abalya kuuma nabo. 30aBafarisayo na beisa babo ba Muomba babere baxunga batyo, batangira ibutsabutsanya nebwira abemitsa ba Yesu mbu: «Kubwishi bwaki amulya nexoma kuuma na bahoresi ba koli na bakotsi ba santsambi?» 31Yesu nianabwirabo mbu: «Abakambwe batalaa ku mushake, wetuwe, abakoni bo banamulaako. 32Ndahikaa ibirangira bo batunganene mwa mbere sa Ongo. Wetuwe abakotsi ba santsambi kwebula mbu bahingye amiberere yabo.»
Yesu asimola kuluenda amahemo na areihangira ilya
(Mat 9:14-15; Mar 2:18-20)
33 aBafarisayo abo niabanabwira Yesu mbu: «Abemitsa ba Yohana na betu banaihangira ilya ngendo nyingi, bali abahema. Wetuwe abemitsa bawe, ibo, abalya nexoma.» 34Yesu nianabwirabo mbu: «Mbeni amuanikira mbu mwangahangira ilya bo balalikirwe mwa buheruki mwa mango nina abuheruki akinali hauma nabo? Ihi! 35Wetuwe kwendehika biro, nina abuheruki endetengibwa mwa kati kabo. Kubatyo, mo biromo mo bakendeihangira ilya bali abahema.»
36Yesu nianaxubechirabo amushinga uyu, mbu: «Hate mundu yangacha kiraka ku lukimba luhya kwelandirakyo ku lukimba lukulire. Yangakolatyo angaba ni ameberenga alukimba luhya, na kiraka kyosakitokako ni kitikitsimbane na lukimba lukulire. 37Na kandi, hate mundu yangahira tifai nyihya mu shaho ya luhu lukulire#5:37 shaho ya luhu lukulire: Sabaa shaho sikolirwe mu nyuhu sa mbene. aBayahuti babaa banahoera atifai mu shaho nyihya sikolirwe mu nyuhu. Kureba ni sitangabereka mwa kashangi atifai aitaka. Ni banaira batyo kubwishi asashaho siri sikulire, ni nyolonyolo, ni singabereka chuba . Amundu akeiratyo, ni akatuma tifai nyihya iberenga asashaho ito, atifai ni yapfa busha na sa shaho ni sabiha. 38Wetuwe, atifai nyihya inahirwa mu shaho nyihya. 39Hate na mundu yameotola ixoma ku tifai ya kwa mira yanatsiira tifai nyihya. Kubwishi ni abula mbu: ‹Atifai ya kwa mira yo ilokire kutsibu.›»
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@2025 GROUPE D'ASSOCIATIONS POUR LA PROMOTION DES LANGUES, CULTURE ET DEVELOPPEMENT INTEGRAL "GAPLCDI"