मत्ती 14
14
बप्तिस्मा याने युहन्ना उसिव
मर्कुस ६:१४-२९; लुका ९:७-९
1नो बेलाकं चार प्रडेसलाम टोबो गालील प्रडेसला राजा हेरोडये येसुलो ओरो: चारकोना याडोज़्याव ओठोयो। 2नोये ओसेवा डोने मीरंलाई हैओडोवरं, “नोके बप्तिस्मा झैने युहन्ना ची। नो सिवलाम ज्युङडा टाडे ले। हैजैडे ऐटाव सक्तिला ये:नरं डोज़्याव।” 3कडालेकं हेरोडये ओभाइ फिलिपलो ओज्या हेरोडियासलो ओकारंनये युहन्नालाई क्योडे किडे झ्याललं झाडे ओनैज़्याव। 4युहन्नाये हेरोडलाई ऐ डाडे ओनैज़्याव, “नङ नो नभाइलो ओज्यालाई रैने ठीकं माटाये।” 5हैजैडे हेरोडये युहन्नालाई सै:ने ओपानज़्याव, हैटानि पनि जनतारंलाई र:ङडे नो ओछेज़्याव, कडालेकं नोराई युहन्नालाई अगमबक्ता यामानिज़्याव। 6होकाम जो छ्याम हेरोडलो ओजर्म डिन ओराव हो छ्याम हेरोडियासलो मेमा ओज़ा नोराई याखार्ल स्या:डे हेरोडलाई बनै खुसि ओझोयो। 7हैजैडे हेरोडये नो लुज़ालाई जो ननि: होज़ ङायान वार्डे किऱ्या झाडे कबल ओडोव। 8होकाम नो लुज़ालाई वामाये ओपोयो कारनये नोये ऐ ओवारो, “ङालाई बप्तिस्मा झैने युहन्नालो ओङै: आव टाठीलं याङ।” 9नो ठैडे राजा बनै डुखि ओटाव हैओटानि पनि ओल किऱ्या ओझाव सोनो ओपाहुनाराई याङा:कं टाडे नो राजाये हैजैने हुकुम ओयोवरं, 10होकाम राजाये झ्याललं युहन्नालो ओङै पोलो ओपरि:ङोरं। 11होकाम युहन्नालो ओङै: टाठीलं रैडे नो लुज़ालाई यायोव। नो लुज़ाये युहन्नालो ओङै: वामा लेवकं ओरोयो। 12होकाम युहन्नालो उसिसरं राडे सिव ओमोरो:लाई लाङडे यागाडिव। होकाम नोरं नाडे येसुलाई सोर यायोव।
येसुये पाँस हजाररंलाई ओसया:वरं
मर्कुस ६:३०-४४; लुका ९:१०-१७; युहन्ना ६:१-१४
13येसुये आव सोर ओठोयो होकाम येसु डोङ्गाटं पुलुडे नलाम छुटं टोबो मीरं मालेव पोलं ओनाव। आव ठैडे माहुले मीरं सहरलाम बाडे येसुलो उझिन्ट यानाव। 14डह गोराटं केडे नो बनै भ्या माहुले मीरंलाई र:ङडे येसुलो उयुङ ओनाव, होकाम नला ठलिव यामीरंलाई ओससमड्योवरं। 15रि:मडे ओटावपाना येसुलो उसिसरं ऐ वार्डे ओल लेवकं याराव, “आवके मीरं मालेव पो ची, नम याढल्किडु माहुले मीरंलाई गपरि:ङरंके, होकाम आवराई नाङखार-नाङखारयालं नाडे यालागिटं ज़्याव गल:ङरंकं।” 16होकाम येसुये नोरंलाई ऐ ओडोवरं, “नोरं नाव मापरि। जेज़ नोरंलाई ज़्याव याच्योरं।” 17नोराई येसुलाई हैयाडोव, “आकं गेस पाँस गोटा बरे सोनो नेम्लो ङा: याज़ लिज़्या।” 18होकाम येसुये ऐ ओडोवरं, “नो आकं ङालेवकं रैच्यो।” 19येसुये नो माहुले मीरंलाई छि लेव बाङलं चुङो उपरि:ङोरं, होकाम नो पाँस गोटा बरे सोनो नेम्लो ङा: रैडे स्वर्गडे र:ङडे परमेस्वरसं आसिक उनी:व होकाम बरेरं के:डे उसिसरंलाई ओयोवरं, होकाम उसिसराई मीरंलाई यायोवरं। 20नो स्यान्टैरं ज़्याडे यावा:ङो, होकाम ये:लो उकुत्रारं नोराई बारं फुङ्गा याडुपो। 21मेमारं सोनो छोऱ्यारं लुज़ारंलाई रा:डे ज़्याने मीरं पाँस हजार या खेपारं लेवरं।
येसु रि: टर्ट ओबाव
मर्कुस ६:४५-५६; युहन्ना ६:१५-२१
22येसु माहुले मीरासं भासिने भन्डा ङाडेज़ उसिसरंलाई डोङ्गाटं पुलुडे ओल भन्डा ङा:डेज़ डह होपंटं उपरि:ङोरं। 23माहुले मीरासं भासिडे येसु ओबाठङज़ प्रार्ठना डाने डान्डाटं उपुलुव। रि:मडे टाडे उलिज़्याकं येसु ओबाठङज़ नटं उलिज़्याव। 24होकाम डोङ्गा नो बेला समं डह गोराटाम भ्या टाडा नाडे उलिज़्याव। हावा बिप्याङाम ओरावये डोङ्गा छल्कालो ओखार्ल परिडे उलिज़्याव। 25छकाल्ने तीन बजे काम छ बजे यालं येसु री: टर्टाग्यानटं बाडे उसिसराई लेवकं ओराव। 26उसिसराई येसुलाई री: टर्ट ओबारिज़्याव यारो:ङो, होकाम नोराई छेडे ऐ यावारो, “आवके भुत ची!” होकाम नोरं छेडे याकि:व। 27होकाम येसुये चानोज़ नोरंलाई ऐ ओडोवरं, “जियुङ घ्योव जैच्यो, ङाज़ ची, टाछेच्यो।” 28पत्रुसये येसुलाई हैओडोव, “ए प्रभु नङ प्रभुज़ टाखिन ङालाई नङ लेवकं री: टर्ट राव याङ।” 29येसुये हैओडोव, “गरा:ङनके।” पत्रुस डोङ्गाटाम झरिडे येसु लेवडे नानेलो लागिटं री: टर्ट ओबाव। 30कडालेकं बतासं कस्सिडे उचलिव र:ङडे नो ओछेव, होकाम नो बुडिने ओपानज़्याकं नोये कि:डे ऐ ओवारो, “ए प्रभु ङालाई जोगैसंङ।” 31होकाम येसुये नोलाई चानोज़ टरंप ओक्यो:व, होकाम नोलाई येसुये ऐ ओडोव, “ए नबिस्वास टिगिडा लेव, कडा सङ्खा नडो?” 32होकाम येसुनि डोङ्गाटं निपुलुव मान्त्राज़ बतासं ओठकंनिव। 33डोङ्गाटा लिज़्यावराई येसुलाई ढो डाडे, ऐ यावारो, “डस्साज़ नङ परमेस्वरलो ओज़ाज़ नलेव लेव।”
गनेसरेतलं येसुये ठलिवरंलाई ओससोमो
मर्कुस ६:५३-५६
34डह होपंटं केडे येसुरं गनेसरेत वार्ने पोलं याकेरिव। 35नो नाङखारला मीराई येसुलाई यासरेव, होकाम आसै होसैका स्यान्टै छेत्रयालं सोर यापरि:ङो, होकाम मीराई ठलिव मी भरिरं स्यान्टैलाई येसु लेवकं यारोयोरं। 36नोराई येसुलो ओक्वालो उफुर्काया मान्त्रा टानि पनि छुव गेडैकं वार्डे येसुलाई बिन्ती याडोव, होकाम जो-जोराई याछुरं नोरं स्यान्टै यासोमो।
Селектирано:
मत्ती 14: NTWMK25
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
मत्ती 14
14
बप्तिस्मा याने युहन्ना उसिव
मर्कुस ६:१४-२९; लुका ९:७-९
1नो बेलाकं चार प्रडेसलाम टोबो गालील प्रडेसला राजा हेरोडये येसुलो ओरो: चारकोना याडोज़्याव ओठोयो। 2नोये ओसेवा डोने मीरंलाई हैओडोवरं, “नोके बप्तिस्मा झैने युहन्ना ची। नो सिवलाम ज्युङडा टाडे ले। हैजैडे ऐटाव सक्तिला ये:नरं डोज़्याव।” 3कडालेकं हेरोडये ओभाइ फिलिपलो ओज्या हेरोडियासलो ओकारंनये युहन्नालाई क्योडे किडे झ्याललं झाडे ओनैज़्याव। 4युहन्नाये हेरोडलाई ऐ डाडे ओनैज़्याव, “नङ नो नभाइलो ओज्यालाई रैने ठीकं माटाये।” 5हैजैडे हेरोडये युहन्नालाई सै:ने ओपानज़्याव, हैटानि पनि जनतारंलाई र:ङडे नो ओछेज़्याव, कडालेकं नोराई युहन्नालाई अगमबक्ता यामानिज़्याव। 6होकाम जो छ्याम हेरोडलो ओजर्म डिन ओराव हो छ्याम हेरोडियासलो मेमा ओज़ा नोराई याखार्ल स्या:डे हेरोडलाई बनै खुसि ओझोयो। 7हैजैडे हेरोडये नो लुज़ालाई जो ननि: होज़ ङायान वार्डे किऱ्या झाडे कबल ओडोव। 8होकाम नो लुज़ालाई वामाये ओपोयो कारनये नोये ऐ ओवारो, “ङालाई बप्तिस्मा झैने युहन्नालो ओङै: आव टाठीलं याङ।” 9नो ठैडे राजा बनै डुखि ओटाव हैओटानि पनि ओल किऱ्या ओझाव सोनो ओपाहुनाराई याङा:कं टाडे नो राजाये हैजैने हुकुम ओयोवरं, 10होकाम राजाये झ्याललं युहन्नालो ओङै पोलो ओपरि:ङोरं। 11होकाम युहन्नालो ओङै: टाठीलं रैडे नो लुज़ालाई यायोव। नो लुज़ाये युहन्नालो ओङै: वामा लेवकं ओरोयो। 12होकाम युहन्नालो उसिसरं राडे सिव ओमोरो:लाई लाङडे यागाडिव। होकाम नोरं नाडे येसुलाई सोर यायोव।
येसुये पाँस हजाररंलाई ओसया:वरं
मर्कुस ६:३०-४४; लुका ९:१०-१७; युहन्ना ६:१-१४
13येसुये आव सोर ओठोयो होकाम येसु डोङ्गाटं पुलुडे नलाम छुटं टोबो मीरं मालेव पोलं ओनाव। आव ठैडे माहुले मीरं सहरलाम बाडे येसुलो उझिन्ट यानाव। 14डह गोराटं केडे नो बनै भ्या माहुले मीरंलाई र:ङडे येसुलो उयुङ ओनाव, होकाम नला ठलिव यामीरंलाई ओससमड्योवरं। 15रि:मडे ओटावपाना येसुलो उसिसरं ऐ वार्डे ओल लेवकं याराव, “आवके मीरं मालेव पो ची, नम याढल्किडु माहुले मीरंलाई गपरि:ङरंके, होकाम आवराई नाङखार-नाङखारयालं नाडे यालागिटं ज़्याव गल:ङरंकं।” 16होकाम येसुये नोरंलाई ऐ ओडोवरं, “नोरं नाव मापरि। जेज़ नोरंलाई ज़्याव याच्योरं।” 17नोराई येसुलाई हैयाडोव, “आकं गेस पाँस गोटा बरे सोनो नेम्लो ङा: याज़ लिज़्या।” 18होकाम येसुये ऐ ओडोवरं, “नो आकं ङालेवकं रैच्यो।” 19येसुये नो माहुले मीरंलाई छि लेव बाङलं चुङो उपरि:ङोरं, होकाम नो पाँस गोटा बरे सोनो नेम्लो ङा: रैडे स्वर्गडे र:ङडे परमेस्वरसं आसिक उनी:व होकाम बरेरं के:डे उसिसरंलाई ओयोवरं, होकाम उसिसराई मीरंलाई यायोवरं। 20नो स्यान्टैरं ज़्याडे यावा:ङो, होकाम ये:लो उकुत्रारं नोराई बारं फुङ्गा याडुपो। 21मेमारं सोनो छोऱ्यारं लुज़ारंलाई रा:डे ज़्याने मीरं पाँस हजार या खेपारं लेवरं।
येसु रि: टर्ट ओबाव
मर्कुस ६:४५-५६; युहन्ना ६:१५-२१
22येसु माहुले मीरासं भासिने भन्डा ङाडेज़ उसिसरंलाई डोङ्गाटं पुलुडे ओल भन्डा ङा:डेज़ डह होपंटं उपरि:ङोरं। 23माहुले मीरासं भासिडे येसु ओबाठङज़ प्रार्ठना डाने डान्डाटं उपुलुव। रि:मडे टाडे उलिज़्याकं येसु ओबाठङज़ नटं उलिज़्याव। 24होकाम डोङ्गा नो बेला समं डह गोराटाम भ्या टाडा नाडे उलिज़्याव। हावा बिप्याङाम ओरावये डोङ्गा छल्कालो ओखार्ल परिडे उलिज़्याव। 25छकाल्ने तीन बजे काम छ बजे यालं येसु री: टर्टाग्यानटं बाडे उसिसराई लेवकं ओराव। 26उसिसराई येसुलाई री: टर्ट ओबारिज़्याव यारो:ङो, होकाम नोराई छेडे ऐ यावारो, “आवके भुत ची!” होकाम नोरं छेडे याकि:व। 27होकाम येसुये चानोज़ नोरंलाई ऐ ओडोवरं, “जियुङ घ्योव जैच्यो, ङाज़ ची, टाछेच्यो।” 28पत्रुसये येसुलाई हैओडोव, “ए प्रभु नङ प्रभुज़ टाखिन ङालाई नङ लेवकं री: टर्ट राव याङ।” 29येसुये हैओडोव, “गरा:ङनके।” पत्रुस डोङ्गाटाम झरिडे येसु लेवडे नानेलो लागिटं री: टर्ट ओबाव। 30कडालेकं बतासं कस्सिडे उचलिव र:ङडे नो ओछेव, होकाम नो बुडिने ओपानज़्याकं नोये कि:डे ऐ ओवारो, “ए प्रभु ङालाई जोगैसंङ।” 31होकाम येसुये नोलाई चानोज़ टरंप ओक्यो:व, होकाम नोलाई येसुये ऐ ओडोव, “ए नबिस्वास टिगिडा लेव, कडा सङ्खा नडो?” 32होकाम येसुनि डोङ्गाटं निपुलुव मान्त्राज़ बतासं ओठकंनिव। 33डोङ्गाटा लिज़्यावराई येसुलाई ढो डाडे, ऐ यावारो, “डस्साज़ नङ परमेस्वरलो ओज़ाज़ नलेव लेव।”
गनेसरेतलं येसुये ठलिवरंलाई ओससोमो
मर्कुस ६:५३-५६
34डह होपंटं केडे येसुरं गनेसरेत वार्ने पोलं याकेरिव। 35नो नाङखारला मीराई येसुलाई यासरेव, होकाम आसै होसैका स्यान्टै छेत्रयालं सोर यापरि:ङो, होकाम मीराई ठलिव मी भरिरं स्यान्टैलाई येसु लेवकं यारोयोरं। 36नोराई येसुलो ओक्वालो उफुर्काया मान्त्रा टानि पनि छुव गेडैकं वार्डे येसुलाई बिन्ती याडोव, होकाम जो-जोराई याछुरं नोरं स्यान्टै यासोमो।
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025