Создавање 20:1-5

Авраам оттаму тргна на југ, и се настани меѓу Кадис и Сур; и живееше некое време во Герар. Тогаш велеше Авраам за жената своја Сара дека му е сестра. А царот герарски Авимелех испрати, да ја земат Сара. Но Бог дојде кај Авимелех ноќе во сон, и му рече: „Ете, ќе умреш заради жената, која си ја зел, зашто таа има маж.“ А Авимелех не беше се допрел до неа, па рече: „Господи, зар ќе погубиш праведен народ? Нели самиот тој ми рече – ‚Сестра ми е‘ – а и таа самата рече ‚Брат ми е‘ – а јас тоа го направив простосрдечно и со чисти раце.“